Van alsulken gedinghe als geweest is voe(r) meye(r) ende scepen(en) van loeve(n)/ inde banck ald(aer) tusschen henricke van wesemale bastart als mombour sijns/ wijfs docht(er) jans wile(n) van molle van lyere in deen zijde en(de) augustijne/ van b(er)laer docht die voe(r) meye(r) ende scepen(en) van loeven gegoedt is in de/ goede jans wolpart en(de) lijsbette(n) sijns wijfs weduwe arnts wile(n) vand(er) voert/ en(de) docht(er) jans wile(n) van boxschote in dande(re) alse van drie ziste(re)n rogs/ d(er) maten van mechele(n) erflex pachts op alle de goede die wae(re)n des/ voirs(creven) wile(n) jans van boxscote daer op de voirs(creven) henric van wesemael/ alrehande thoe(n)nisse hem v(er)meten hadde en(de) besund(er) dat de voirs(creven) iii/ zist(er) rogs den voirs(creven) wile(n) janne van molle sine(n) sweer met alle poente(n)/ van rede recht in hande(n) gesett soude(n) sijn geweest en(de) dat hi daer toe/ comen was des de voirs(creven) henric niet en volqua(m) en(de) de voirs(creven) augustijn/ thoende dat jan wilen boxschote d(er) voirs(creven) lijsbette(n) sijnre docht(er) de voirs(creven)/ iii ziste(re)n rogs in huwelik(er) vorw(er)den gaf met den voirs(creven) voirs(creven) wile(n)/ arnde vand(er) voert hae(re)n man op also woude [dat] de voirs(creven) lijsb(etten) sijn docht(er)/ na sijn doet in sine goede en(de) na doet haerre moed(er) de voirs(creven) iii zist(er) rogs/ wed(er) in brengen soude en(de) dan inde goede des voirs(creven) wile(n) haers vaders/ hae(re) lantrecht hebben oft uutgegoedt sijn met x ziste(re)n rogs/ Oec droeghen twee goede ma(n)ne dat si den voirs(creven) janne van boxscote/ tertijt dat hi lijfde en(de) leefde en(de) sijnre zynne wael mechtich was/ dicwile hadde(n) hore(n) segge(n) mocht hem wael betale(n) scade doen dat/ hi den voirs(creven) wile(n) janne van molle wael betaelt hadde en(de) hem/ niet sculdech en wae(re) etc(etera) es tvonnisse dat alsulke(n) aensprake als/ de voirs(creven) henric van wezemale tot de(n) voirs(creven) h drie ziste(re)n rogs/ gedaen hadde dat die de(n) voirs(creven) augustijne noch sijnre goedinghe(n)/ gheen ontstade doen en soude jo(hanne) borch(oven) lud(ovico) roelants jo(hanne) de op/ pendorp et ar(nol)[do] vynck scab(inis) lov(aniensibus) nove(m)br(is) xxiii
//