Het sijn comen in recht voe(r) meye(re) ende scepen(en) van loeven inde/ banck ald(aer) her jan uselen dieme(n) heet van heusde(n) p(ro)fesse/ en(de) p(ri)oer des godshuys van hafflighem inden name en(de) va(n)/ weghe(n) des selfs godshuys in deen side en(de) henrick vande(n)/ zijpe die na de(n) recht d(er) stat van loeven come(n) en(de) geleidt/ es tot de(n) goede(n) marien colijns weduwe arnts wilen/ vander voert in dande(re) Daer de voirs(creven) henric va(n)de(n) zijpe/ een aensprake dede tot de(n) voirs(creven) p(ri)oer met alrehande/ woerde(n) en(de) thoe(n)nise die hi dair toe inleyde daer/ van ene(n) huyse en(de) hove met alle sine(n) toebehoirte(n) gelege(n)/ te leefdale opte ketelstrate tussche(n) de selve strate en(de)/ de goede claes wisscharts Dair op de voirs(creven) mijn/ he(re) de p(ri)oer hem verantwerde met seke(re)n thoe(n)nisse
//
die hi d(air) toe dede d ond(er) dande(re) dat tgodshuys va(n) haffligem/m en(de) de voirseten vande(n) selve(n) goeden die goeden meer dan/ ov(er) xxx ja(r)e van iii graden ned(er)w(er)t voer hae(r) erve besete(n)/ hadde (et)c(etera) Also dat na aensprake en(de) na v(er)antw(er)de(n) en(de) na thoe(n)nisse/ de meye(r) van loeven maende de scepen(en) van loeven wes recht sijn/ sijn soude die wijsde(n) voe(r) een vonnisse dat alsulke(n) aensprake/ als de voirs(creven) henric vande(n) zijpe tot de(n) voirs(creven) goede(n) gedae(n) hadde/ dat die den voirs(creven) godshuyse noch hae(re)n goedinghen vanden/ voirs(creven) goeden gheen ontstade doen en sal jo(hannes) borch(oven) ludovicus/ roelants jo(hannes) de oppendorp walt(erus) pynnoc iunior ar(nol)[d(us)] vynck/ jo(hannes) de hug(ar)den (et) dyonisius boys scabini lov(anienses) anno m[mo]/ccc[mo] cccc[mo] xxviii m(en)s(is) decembr(is) die xvi