Cond sij allen lieden dat de meyer van loeven(en) mette(n) scepen(en) van loeven(en) gheleydt/ heeft van heerheyden he(re)nhenrike van dyest he(re) vander rivie(re)n totte(n) lande/ van hoeghstrate(n) h(ere)njans van kuyc he(re) van hoeghstrate(n) met alle den dorpen/ dair toe hoe(re)nde metter borgh en(de) slote van ghelmen en(de) metten huysen/ hoeven wynnenden landen bogarden bosschen beemden aerde vroenten/ heyden meeren wate(re)n wuwe(re)n vogelrijen visscherijen molene(n) tsijse rente(n)/ broecken foerfayten opcomi(n)gen tollen en(de) met allen den rechten ende/ heerlicheyden en(de) alle ande(re)n hoe(re)n toebehoirte(n) totte(n) voirs(creven) lande dorpen en(de)/ slote behoerende in hoghen en(de) in nede(re)n en(de) in nate(n) en(de) in droghen gelijc/ de voirs(creven) h(er)jan van kuyc die aldair houdende was voir een schout van/ hondert dusent gulden pe(n)ninge gehete(n) oude schilde van goude goet en(de) geve/ inde welke de voirs(creven) h(er)jan van kuyc den voirs(creven) h(ere)nhenrike van dyest gehoude(n)/ en(de) beschuldecht was met scepen(en) brieve(n) van loeven(en) die d(aer) op ghemaict en(de)/ geloeft wae(re)n tot welken goiden voirs(creven) de voirs(creven) h(er)henric claghe vanden h(ere)n/ vanden gronde genome(n) en(de) ontfaen hadde also dat de voirs(creven) meyer van/ loeven(en) mette(n) voirs(creven) scepen(en) van loeven(en) den voirs(creven) h(ere)nhenricke [heeft] geset ende/ ghedaen tot den goiden voirs(creven) mids virtuyt vande(n) voirs(creven) sinen brieve(n)/ voe(r) sijn schout voirg(enoemt) in alle der vormen en(de) manie(re)n gelijc dat mette(n)/ rechte sculdech en(de) gewoenlic is te geschiene behoudelic eene(n) ytge/ liken sine(n) recht hier over waren gheert van haenwijc en(de) aernt/ vanden velde scepen(en) van loeven(en) gegeve(n) opte(n) derthienste(n) dach d(er) maent/ van junio int jair ons h(ere)n m cccc xxviii
//