It(em) cond zij allen lieden dat want jonch(e)r henric van rotselaer [nu [t(er)tijt] he(r)e van roest] jan/ vanden borch(oven) en(de) henric van winczele mids machte van scepen(en)/ brieven van loven(e) hen bekent van h(e)r(e)n janne he(r)e van rots(elaer) van/ vorslaer en(de) van rethy met meye(re) en(de) scepen(en) van loven(e) van heerheide(n)/ beleidt sijn geweest tot den goeden h(ier) nae bescreven des selfs/ die wa(r)en des selfs jans he(r)e van rots(elaer) Te weten tot den landen goeden/ en(de) heerlich(eiden) van rotselaer met alle den dorpen en(de) renten (et)c(etera) en(de) allen/ ande(re)n hoe(re)n toebehoirten tot den voirs(creven) lande dorpen goeden en(de) heerlich(eiden) van/ rotselaer beho(r)ende gelijc de voirs(creven) h(er) jan he(r)e van rotselaer de voirs(creven) lande/ goede en(de) heerlich(eiden) van rotselaer houdende was Ende daer nae de selve/ jonch(ere)n henric jan en(de) henric van winczele jonch(ere)n vande voer meye(re)/ en(de) scepen(en) van loven(e) voirs(creven) mids macht vanden vors(creven) beleide jonch(er)/ baudewine van he(n)nin he(r)e te font(ainez) en(de) te meilhem gegoedt en(de) gheerft/ hadden in alle en(de) yegewelke goede voirscr(even) gelijc in zeke(re)n scepen(en)/ br(ieven) van lov(en) d(aer) op gemaect volcomelik(er) beg(re)pen is So is de selve/ / jonch(e)r baudewijn comen voe(r) scepen(en) van lov(en) en(de) heeft gegeven/ en(de) bekent dat hij geg(even) heeft voer hem sijn erfg(enamen) en(de) nacomel(ingen)/ den voirs(creven) h(e)r(e)n janne he(r)e van rotsel(aer) sinen erfg(enamen) en(de) nacomel(ingen)/ alle de goede voirscr(even) gelijc sij voirscr(even) staen erflic te houden/ en(de) te besitten op alle de rechten lasten en(de) co(m)mer daer voer uut/ gaende ten behoirliken en(de) gewoenliken tiden te gelden en(de) te betalen/ En(de) voert aen op vijftich cronen d(er) mu(n)ten des coninx van/ vrancr(ijc) dats te weten alsulker cronen als de lxviii op de/ mart gaen jaerlik(er) en(de) erflik(er) renten deen helcht daer aff/ te sente jans misse bap(tis)[ten] en(de) dander helcht tot kersmisse te/ betalen en(de) inden wissel der stad van loven(e) te leve(re)n erflic/ h(ier) nae volgende De yerste betalinge der voirs(creven) erflik(er) renten/ ingaende tot den naesten hoeghtide van sente jans misse/ baptisten oft van k(er)smisse dat wesen sal na de doet en(de)/ afscheiden des voirs(creven) h(e)r(e)n jans he(re) van rotselaer en(de) joffr(ouwen) joha(n)nen/ sijnre dochter die nu wettige ghesse ghesellynne en(de) huysvrouwe/e jonche(r) symoens joncgreve van salmen [en(de) niet eer Ende op] en also en(de) in/ alsulk(er) maten gevielt ofte [op dat] de voirs(creven) h(er) jan he(r)e te rots(elaer) oft/ joffr(ouwe) johanne sijn docht(er) voirs(creven) van live ter doet quamen sond(er)/ wettige ghebuerte van hoe(re)n live acht(er) te laten en(de) niet eer en(de)/ anders niet Ende oft oec also geviele dat de voirs(creven)/ erfrenten aldus tot den voirs(creven) jonche(r) baudewijn en(de) joffr(ouwen) marien/ van vile sinen toecomenden wive quamen en(de) sij dan aflivich worden/ sond(er) wettige ghebuerte deen vanden ande(re)n achter te laten dat/ dan de leste levende van hen beyden de selve renten sijn leefdaege/ langc hebben heffen en(de) besitten sal Ende dat nae hoe(r) beyder doet/ de selve renten wedercomen en(de) keeren sullen aenden gheenen daer/ de heerlich(eiden) van rotsel(aer) alsdan van rechts weghen sculdich gheweest/ souden sijn te comen H(ier) over waren gielijs de rike en(de) willem/ lomb(ar)t ap(ri)lis ulti(m)a penulti(m)a