Cond sij allen lieden dat henric de scoesitte(re) diemen heet van/ ryemena(m) in jegenwordicheyt d(er) scepen(en) va(n) loeven gestaen heeft v(er)huert/ en(de) bekendt dat hi verhuert heeft wille(m)me baselijs van ryemena(m)/ een gedeelte vander thiende(n) gelege(n) te ryemena(m) gelijc de voirs(creven) henric/ en(de) cornelijs scoesitte(re) sijn soen tvoirs(creven) gedeelte vand(er) selver thienden/ ald(aer) houdende sijn [en(de)] daer af tcloester van hafflighem en(de) jan vander/ calstren elc van oic hen oec een gedeelte houdende zijn Te houden en(de)/ te hebben van sent jans misse bap(tis)[ten] naest comende ene(n) t(er)mijn van/ drie jae(re)n lanc duerende deen na dand(er) d(aer) na sond(er) myddel volgende/ elx jaers daer en bynne(n) om vijftich mottoene te wete(n) xxvii/ pl(a)c(ken) pay(ments) voe(r) twee vanden voirs(creven) mottoene(n) gerekent half ts(in)te/

j tot kersmisse en(de) half ts(in)[te] jans misse bap(tis)[ten] te betale(n) heylwige(n)/ moed(er) des voirs(creven) henrics de scoesitte(re) alle jae(re) den voirs(creven) t(er)mijn duerende/ en(de) telken t(er)mine alse v(er)volghde schout En(de) is vorw(er)de ind(er) hueringen/ voirs(creven) waert also dat de voirs(creven) heylwijch van live bynne(n) de(n) vors(creven) t(er)mijne/ van live ter doet q(ua)me dat dan de voirs(creven) henric hae(r) sone de voirs(creven)/ vijftich mottoene jaerlex [hie(re)n bynnen] heffen en(de) boren [hebbe(n)] sal den t(er)mijn voirs(creven) duerende/ En(de) heeft geloeft de voirs(creven) henric den voirs(creven) wille(m)me vand(er) [voirs(creven)] hueringe(n)/ altijt genoech te doen en(de) recht warant te sijn jegen ene(n) yegeliken/ den voirg(eruerde) [selve(n)] t(er)mijn [voirg(eruert)] duerende custe(re) willemaer aug(usti) xviii