Cond zij allen liede(n) dat een yffeninghe en(de) accoert gemaect is/ tussche(n) kath(er)ine(n) [tsridders] weduwe jans wilen torf [en(de) henricke torf hae(re)n sone] in deen side en(de) kath(er)ine [willemaers] weduwe/ jans wilen van gheele sone der voirs(creven) kath(er)inen in dande(re) van alsulke(n)/ geschille en(de) stoet als tussche(n) de voirs(creven) p(ar)tien opv(er)staen was vande(n) goede(n)/ beruerlic en(de) onberuerlic die de(n) voirs(creven) janne van ghele bleve(n) en(de) v(er)storve(n)/ mochte(n) zijn vand(er) doet henrics wile(n) va(n) gheele vader des voirs(creven) wilen/ jans en(de) der voirs(creven) kath(er)ine(n) sine(n) wive en(de) hae(re)n kijnde(re)n blive(n) selen na/ de doet der voirs(creven) kath(er)inen weduwe jans wile(n) torf vors(creven) inde(n) yerste(n)/ sal de voirs(creven) kath(er)ine weduwe des wilen jans van gheele ter stont/ ov(er)hebbe(n) de goede hier na bescr(even) Inde(n) yersten een ziederie [mette(n) grote(n) woenhuyse] met alle(n)/ en(de) yegewelke(n) hae(re)n toebehoirte(n) gelege(n) opte leye opte dyle aldaer/ tussche(n) de selve dyle en(de) een cleynhuyske(n) ald(aer) dat de voirs(creven) kath(er)ine/ weduwe des voirs(creven) wilen jan torfs tot haerre tocht behoude(n) sal Ite(m) sesse/ dachmael lants gelege(n) opt langvelt in vier stucken It(em) een persse/ mette(n) bogarde(n) en(de) met haerre toebehoirte(n) gelege(n) te wiltsele aenden/ hogenberch bove(n) de kerke ald(aer) Ite(m) drie vierdel wijngarts gelege(n)/ aende dwoenhuys d(er) voirs(creven) kath(er)ine(n) [weduwe] jans wilen torf voirg(enoemt) Ite(m) sal/ noch de voirs(creven) kath(er)ine weduwe des voirs(creven) wilen jans van gheele/ hebbe(n) jaerlex alle de staken also langhe als de voirs(creven) kath(er)ine we/ duwe jans wile(n) torf leven sal die wassen sele(n) op ene(n) beemdt/ die houdende is jan vand(er) lynde(n) den welke(n) hi v(er)creegh jegen/ henricke(n) torf en(de) kath(er)ine(n) sijnre moed(er) voirs(creven) Van welke(n) goeden/ staphans voirs(creven) de voirs(creven) kath(er)ine weduwe jans wile(n) va(n) ghele/ d(er) voirs(creven) kath(er)inen tsridders gheven sal also langhe als de selve/ kath(er)ine tsridders leven sal [en(de) niet lange(r)] twee amen en(de) een to(n)ne lovens/ wijns goet en(de) payabel te wijntide te betale(n) en(de) inde voirs(creven)/ persse te leve(re)n En(de) xvi capuyn oec also langhe als de voirs(creven)/ kath(er)ine tsridders leve(n) sal tot kersmisse te betale(n) It(em) sal noch/ de voirs(creven) kath(er)ine tsridders behoude(n) tot haerre tocht hier n de/ goede hier na bescreve(n) Inden yerste(n) tvoirs(creven) cleynhuys staende opte/ leye aende ziederie voirscr(even) It(em) dwoenhuys gelege(n) te wiltsele/ opten berch neve(n) de persse voirscr(even) It(em) de voirs(creven) kath(er)ine/ tsridders heeft [en(de) henr(ic) torf hae(r) sone hebben] voertaen quijtgeschoude(n) der vors(creven) kath(er)ine(n)/ willemairs van alle(n) en(de) yegewelke(n) schouden geluften vorw(er)den/ actien brieve(n) beclaghe goeden en(de) dynghen inde welke de/ voirs(creven) kath(er)ine willem(air)s d(er) voirs(creven) kath(er)ine(n) tsridders gehouden/ was of v(er)bonde(n) mocht sijn tot opte(n) dach van heden Gelove(n)de/ de voirs(creven) p(ar)tien deen d(en) and(e)re vanden sake(n) de/ voirs(creven) yffeninghe en(de) accorde vast en(de) gestedich te houde(n) en(de) daer/ jege(n) nu(m)m(er)meer te doen bi he(n) selve(n) of by yema(n)t and(er)s in/ e(n)nig(er) manie(re)n custe(re) wante sabbato post pasche d(omi)ni