SAL7723, Act: V°62.1 (40 of 249)
Search Act
previous | next
Act V°62.1  
Act
Date: 1429-08-31

Transcription

2021-11-16 by Jan Boncquet
It(em) henric coreman ende jan vand(er) monick van vossem in jegen/
wordicheit d(er) scepen(en) van loeven gestaen hebben getuyght en(de) open/
bairlic gedragen dat bij tiden mijnre genedig(er) vrouwen vrouwe johanne(n)/
h(er)toghinne van luccemb(orgh) ende van brabant d(er)re got genade goly vand(er)/
to(m)men haer warandmeester qua(m) te vossem en(de) dede dair bi hae(re)n bevele/
uut versueck h(ere)n willems bonten hae(r) secretar(is) een ond(er)sueck ende/
verclaernisse hoe verre en(de) te wat plaetsen die warande behorende/
tot sinen goede te vossem gelijc hi dat goet en(de) de selve warande ver/
creghen hadde streckende wae(r) De welke goly bevant bide(n) ouders/
van vossem dat die warande strecte en(de) ghinghe van jan vrancs/
hove doe(r) jan vranx boschs tot aen dat bosch van hafflighem en(de)/
va(n) daer voert gaende neven dbosch van hafflighem tot op moerseloe/
driesch also omgaende als de wech gheet ten gerichte toe tot aende(n)/
nuwenbosch oec toebehorende den he(re)n van hafflighem en(de) geheten/
den birkenbosch en(de) also omgaende tusschen dbosch vanden dale en(de)/
den nuwenbosch comende tot opt velt horende daer toe alle/
die bossche die buten desen termpte voirs(creven) liggende sijn te/
vossem w(er)t aen Cora(m) egidio rike et jacobo ex lyeminghe/
scab(inis) lov(aniensibus) anno xiiii[c] xxix me(n)sis augusti die ultima
Contributorskristiaan magnus
Moderated bykristiaan magnus
Last update: 2016-03-02 by xavier delacourt