Dits de waerh(eit) ende tghetuyghnis die alijt en(de) beatrijs geleidt hebben inden/ ghedinghe dat nu voer meye(r) en(de) scepen(en) van loven(e) hangen(de) is tuschen de/ voirs(creven) ghesuste(re)n in deen zijde en(de) janne van elde(re)n die geleidt is tot den goeden/ henric bollekens die men heet van caelmont in dande(re)/ Inden yersten hebben getuyght iiii goede oude manne bij hoe(re)n eede die sij daer toe ten heiligen deden/ dat voertijts wae(re)n twee gebruede(re) te weten wouter en(de) jan van kaelmont welc wouter van/ kaelmont hadde enen wettigen soen geheten joes van kaelmont dese joes van kaelmont liet achter/ hem enen wettigen soen met namen reyne(r) van kaelmont Ende droeghen noch voert de voirs(creven)/ iiii getuyghen bij hoe(re)n eede ten heiligen [dat de voirs(creven) joes dese voirs(creven) leengoede besatt en(de) dat si hem de vrucht d(aer) af thuys vuerden en(de)] dat [na hem] dese reyne(r) van kaelmont [sijn soen] de leengoede [voirs(creven)] daer/ tghedinge om is besat als sijn wettich leen en(de) erve ende dat hij daer uyt starff als uyt sinen/ p(ro)pe(re)n goede Noch droeghen voert de voirs(creven) iiii getuyghen dat de voirs(creven) jan van kaelmont bruede(r)/ des voirs(creven) wouters van kaelmont na hem liet enen wettigen soen met namen gielijs van kaelmont/ ende dat dese voirs(creven) gesuste(re)n alijt en(de) beatrijs wae(re)n wettige dochte(re)n des voirs(creven) gielijs van/ kaelmont ende dat de voirs(creven) ii gesuste(re)n wae(re)n de naeste oir ende erfgenamen der vors(creven) goede/[en(de) van wettigen bedde] Item noch droegen goede mans ten heiligen dat sij de voirs(creven) leengoede vanden voirs(creven) reyne(re)n in pachtingen/ gehouden hadden over xl jae(re) ende onder den ande(re)n droegh een van lv jaren Oec droeghen noch/ dese getuyghen ten heiligen dat de voirs(creven) reyne(r) de voirs(creven) goede besat als sijn p(ro)pe(r) goede en(de) daer uut/ sterff als uut sinen p(ro)pe(re)n goeden Oec droegh deen van hen dat hij daer bij was daer de voirs(creven) reyne(r)/ de voirs(creven) leengoede ontfinc van h(e)r(e)n jans vander meeren ouder vader/ Item droegen noch ii goede mans ten heiligen dat sij den voirs(creven) reyne(re)n hadden hoe(re)n seggen dat [hij] de voirs(creven)/ henric van kaelmont hem voer sinen maech niet kynde noch dat hij van sinen goede niet gebuertich/ en wae(r)/ Item droegh h(er) jan vand(er) meeren ridder als hee(re) vanden leene met sinen mannen van leen de voirs(creven) hee(re)/[reyne(r)] was sijn man van leene ende dat hiten daer voer hielt ende dat hij sinen vader hadde hoe(re)n seggen/ dat hij sijns oudervader ende sijns vader man was ende dat soude hij wel thoenen met sinen boecke/ Item droegh henric vander meeren dat hij daer [vacat] was daer de voirs(creven) reyne(r) de vors(creven)/ leene ontfinc van sinen vader dats te weten h(e)r(e)n j[vacat] vader/ Item droegh de voirs(creven) h(er) jan vander meeren en(de) sijn manne dat hen wael kenlic wae(r) dat de voirs(creven)/ reyne(r) versterff uut den voirs(creven) leene ende dat daer na quaem de voirs(creven) henric bollekens diemen/ heet van kaelmont ende ontfinc dese goede als maegh Ende dat daer na quamen ende/ maecte hem hoefs weert ende dat daer na de voirs(creven) gesuste(re)n gecomen sijn ende hebben de/ voirs(creven) goede ontfaen ende hebben daer op recht vervolght inden hoff deen genechte voe(r) en(de)/ dander nae tot op tderde genechte en(de) dat op tderde genecht den brieff der stad van loven(e) yerst/ quaem/ Item heeft jan van elde(re)n dach genomen van dondersdaege neestcomen(de) in viii daghen des sat(er)daeghs/ maii xx/ Dat sijn de getuygen die jan van elde(re)n meyndt dat hij heeft doen daghen/ Inden yersten pete(re)n fabyaen henric raes bey(de) van bruessel/ Item tybaut de vos van gry(m)bergen/ De thiende van caelmont gelege(n) ts(in)te stevens woluwe en(de) d(aer) omtrent/ / Tghetuyghenisse der joffr(ouwen) beatr(ijs) en(de) aleyt van kaelmont