Het sijn comen in recht voe(r) meye(r) ende scepen(en) van loeve(n) inde/ banc aldaer jan van oerbeke sone henrics van oerbeke vorst(er)s/ van loeven in deen side en(de) machtelt mertens in dande(re) al/ daer de voirs(creven) jan van oerbeke een aensprake dede van ene(n) weghe/ die hi meyndde dat hi hadde en(de) hem erflic toebehoirde van sine(n)/ hove gelege(n) acht(er) des voirs(creven) jans van oerbek huys inde wijngartst(ra)te/ welken wech uutcoemt tot inde goutburtstrate tussche(n) de(n) hof/ der voirs(creven) machtelden in deen side en(de) de goede henric deekens/ in dand(er)e Seggende dat hi en(de) sijn voerseten te wete(n) geert/ wilen de pape die tvoirs(creven) goet te houde(n) plach ov(er) xxx jae(re) en(de)/ daghe den voirs(creven) wech beseten heeft als si prop(er) erve en(de) dat/ dat wae(re) waer dat boet de voirs(creven) jan te thoene(n) en(de) mette(n)/ minsten met ande(re)n woerden en(de) reden(en) die hi noch daer toe/ seggen dede Op dewelc de voirs(creven) machtelt mertens dede/ seggen met hae(re)n geleverden voirspreke dat den voirs(creven) jan/ daer neghenen wech hebbe(n) en soude en(de) dat mids des(er) redene(n)/ Want si seyde dat hae(re)n hof strecte en(de) ghinc tot den erve des/ voirs(creven) henric dekens en(de) dat si en(de) hae(re) voirseten dien also peysselic/ beseten hadde(n) ov(er) xxx jae(re) en(de) daghe sond(er) yemande e(n)nige(n) wech/ daer ov(er) te hebbe(n) en(de) dat dat waer wae(re) dat boet si oec/ te thoene(n) en(de) mette(n) minsten En(de) oft hae(r) dat te nauwe wae(re)/ so boet si oec hae(re) behout met ande(re)n woerden en(de) redene(n)/ die si oec daer toe segge(n) dede Op dwelc de meye(r) van/ loeven maende de scepen(en) van loeve(n) ald(aer) op de(n) gront sijnde/ daer de voirs(creven) goede gelege(n) sijn die de voirs(creven) p(ar)tien wijs/ den tot hae(re)n thoenisse en(de) dae(re)n teynde(n) recht Ten daghe/ van thoe(n)nisse gesett thoende de voirs(creven) jan van oerbeke/dat met twee goede(n) ma(n)nen dat si gesien hadden dat/ goert de pape met ene(n) slotel in een poert die ald(aer) op die/ tijt inde goutburtstrate stont inden voirs(creven) wech quam en(de) also/ voert op w(er)t ov(er) den voirs(creven) wech ghinc tot sine(n) raemb(er)ghe/ Daer af dat deen vanden tween droegh dat hi selve/ ov(er) de(n) voirs(creven) wech met ene(n) crudewage(n) gevae(re)n hadde/ tot de(n) voirs(creven) ramb(er)ghe en(de) dand(er) droech dat hi daer ov(er) hadde/ sien gaen d tot de(n) voirs(creven) raemb(er)ghe met ii ketele(n) en(de)/ met ande(re)n bescheide dat si noch daer toe deden segghe(n)
//
En(de) de voirs(creven) machtelt mertens en volquam haers v(er)nets v(er)mets niet/ Also dat de scepen(en) van loeven gemaent sijnde wijsde(n) voe(r)/ een vonnisse dat de(n) voirs(creven) janne van oerbeke den voirs(creven) wech/ volghen sal alsoe v(er)re alst noch voe(r) hen comen wae(re)n Cora(m)/ rike lombart lye(ming)[en] borchove(n) iuniore paulo custe(re) willemaer/ wante febr(uarii) in p(ro)festo conv(er)sionis sancti pauli ap(osto)li/