It(em) het sijn comen in recht voe(r) meye(re) en(de) scepen(en) van loeven/ inde banc ald(aer) amelrijc de zwerte(re) die na de(n) recht d(er)/ stat va(n) loeven geleydt is tot de(n) goede(n) lucas vand(er) zande/ in deen side en(de) pete(re)n vranx swag(er) des voirs(creven) lucas in dande(re)/ die voe(r) geleydt was tot de(n) goede(n) des voirs(creven) lucas in dande(re)/ vande(n) goeden die de voirs(creven) lucas en(de) mabilie sijn wijf zust(er) des/ voirs(creven) peters vranx houdende zijn daer de voirs(creven) p(ar)tien hen/ in beyde(n) side(n) thoe(n)nisse v(er)maten dwelc vande(n) scepen(en) van/ loeve(n) aengehoert waert En(de) ten eynde bi mae(n)nissen smeyers
//
van loeven wijsden de scepen(en) van loeven voe(r) een vonnisse dat/ na aensprake en(de) na v(er)antw(er)de(n) en(de) na tdraghen dat de burg(er)meest(er)s/ en(de) een deel vande(n) rade d(er) stat van loeven gedragen en(de) getuyght hadde(n)/ en(de) na al dats voe(r) de scepen(en) van loeven comen was dat si bleven bij/ alsulk(er) t(er)minacien als de stat d(aer) af get(er)mineert hadde dats te wete(n) dat/ mabilie(n) des voirs(creven) lucas wive volgen zelen alle de goede die comen/ wa(r)en van ha(r)en stock om hae(r) en(de) ha(r)e kijnde(re) d(aer) op te leven en(de) dat/ den voirs(creven) lucas vande(r) zande volgen sele(n) de goede die van sijnre side(n)/ comen sijn om sine schout daer mede te betalen Cora(m) rike lombart/ lyemi(n)ghe(n) borchoven iuniore paulo custe(re) petro willem(air) wante/ des sat(er)daeghs xi daghe in merte(n)