Cond sij allen lieden dat jan vanden huffle es comen in jegenwor/ dicheyt d(er) scepen(en) van loeven en(de) heeft gegeve(n) en(de) bekendt dat/ hi gegeve(n) heeft henricke van landeloes van miskem thof/ des voirs(creven) jans [gehete(n) ter calstren] gelegen d te wers kersbeke in huysen hoven/ wynnenden landen beemden en(de) eeuselen en(de) met alle(n) sinen/ toebehoirten Te h [uutgenomen dwater aldaer daer in de vors(creven) wyn niet rechts hebbe(n) en sal] Te houden te hebben en(de) te wynne(n) van/ half merte naest voerleden ene(n) t(er)mijn van twelf ja(r)en lanc/ deen na dand(er) dair na staphans volgende elx jaers daer en/ bynne(n) te weten van elken boend(er) lats op elf halst(er) rogs/ goet en(de) pay[a]bel [pacht van kersbeke] met wanne en(de) met vede(re)n wel bereydt d(er)/ maten van loeven ts(en)te andries misse apostels te betale(n) en(de)/ en(de) te loeven te leve(re)n allen ja(r)e de(n) voirs(creven) t(er)mijn duer(ende) en(de)/ telken t(er)mine alse v(er)volghde schout En(de) de voirs(creven) beemde/ / om tsestich hollantsche gulden te wete(n) twee gulden crone(n) d(er) mu(n)ten/ skoninx van vrancrijc goet van goude en(de) swaer gewichte voe(r) iii vanden/ voirs(creven) gulden gerekent alle ja(r)e de(n) voirs(creven) t(er)mijn duerende tsente mertens/ misse inde(n) wynter te betale(n) en(de) telke(n) t(er)mijn alse v(er)volghde schout It(em) heeft/ de voirs(creven) jan noch gegeven den voirs(creven) henricke(n) twee boende(r) lants gelege(n)/ ter nuwer capellen [oec] te houden te hebbe(n) en(de) te wynne(n) den t(er)mijn lanc voirg(eruert) [durend(e)]/en elx jaers daer en bynne(n) om twee sack rogs [goet en(de) payabel] d(er) pacht en(de) maten/voirs(creven) d(er) maten van thienen [te wete(n) vi halst(er) d(er) selv(er) mate(n) voe(r) elke sack gerekent] ts(in)te andries misse te betale(n) en(de) tot loeven/ te leve(re)n alle ja(r)e de(n) selve(n) t(er)mijn duer(ende) en(de) telke(n) t(er)mijne alse v(er)volghde schout/ It(em) sal de voirs(creven) henrick de(n) voirs(creven) t(er)mijn duerende janne jaerlex [hie(re)n bynne(n)] gheven en(de)/ tot loeven leve(re)n hondert [tijt] kaese van goet en(de) payabel [cusbaer] elke(n) kaese van/ vijf potten goets versch melcs tsente mertens misse inde(n) wynt(er) te betale(n)/ En(de) alle doeft opt voirs(creven) goet wassende selen de voirs(creven) jan en(de) henric/ deylen en(de) hebben te gelike half en(de) half en(de) alsmen tvoirs(creven) oeft leest so/ sal de voirs(creven) jan den lesers de dachhuere(n) betale(n) en(de) de voirs(creven) henric sal/ he(n) den montcost gheven En(de) de voirs(creven) wyn sal de(n) voirs(creven) janne sijn/ helecht tot loeven leveren [It(em) sal de voirs(creven) wyn houden vande(n) voirs(creven) janne [te twee jaren] hondert scape die hem de selve jan te meye naest comende leve(re)n sal welc scape de vors(creven) wyn wel en(de) loflic herden en(de) vueden sal] It(em) sal de voirs(creven) wyn de tlt tduyfhuys ald(aer)/allen [de(n) voirs(creven) t(er)mijn duerende] alleen hebbe(n) dwelc hi wel en(de) cusbaerlic houden sal [sal] en(de) [de] duven [d(aer) af] vueden/ En(de) dair voe(r) sal hi den voirs(creven) janne jaerlex leve(re)n tsestich [xxxvi] paer jong(en) duven/ It(em) sal de voirs(creven) wynne de huyssinghe ald(aer) houden vanden und(er)ster rikelen/ ned(er)wart sond(er) cost de voirs(creven) jans En(de) alsmen ald(aer) dect plect oft ty(m)mert/ van ouden werke daer af sal de voirs(creven) jan de dachhue(re)n betalen/ en(de) de voirs(creven) wyn sal den wercliede(n) de(n) montcost gheven En(de) van allen/ nuwen werke sal de [selve] wyn ongehouden sijn It(em) sal de voirs(creven) wyn hebben alle/ de verdroeghde boem opte voirs(creven) [goede] staende daer voe(r) hi voe(r) elken v(er)droeghde/ boem ii poten vande(n) selven arde wed(er) sal moete(n) setten It(em) sal de voirs(creven) wyn/ de voirs(creven) goede wel en(de) loflic wynnen mesten merghele(n) en(de) werven/ gelijc sinen reenghenote(n) boven end(de) beneden En(de) alle tstroe opt voirs(creven) goede [goet]/ jaerlex wassende sal de voirs(creven) wyn int hof brengen en(de) met sinen beeste(n)/ ald(aer) etten en(de) sliten en(de) mest d(aer) af maken en(de) d(aer) opt wed(er) vors(creven) lant/ wed(er) vueren slants meesten p(ro)fijt It(em) sal de voirs(creven) wyn jaerlex [hie(re)n en bynne(n)]/ int voirs(creven) hof leve(re)n iii[c] walme gelijc men ald(aer) gewoenlic is te/ maken It(em) sal de voirs(creven) wyn jaerlex betalen alle den tsijs uut de(n) voirs(creven)/ goede(n) gaende en(de) inheffen alsulke(n) tsijs als int voirs(creven) hof jaerlex sculdech is/in te comen En(de) des daer af [dan] gebreect dat sal den voirs(creven) jan den/ voirs(creven) henricke(n) jaerlex afslaen vande(n) pacht en(de) gelde voirs(creven) vet It(em) is/ vorw(er)de dat de voirs(creven) wyn opte leste drie ja(r)e vande(n) voirs(creven)/ t(er)mine gheen lant vanden lande vors(creven) [sal] mogen hoervruchte(n)/ / En(de) waert also dat de voirs(creven) wynne e(n)nigen scade name dat god/ verhuede van [gemeynen] orloghe of van tempeesten daer af sal [hem] de vors(creven) jan/de voirs(creven) henricke(n) rastoer en(de) v(er)guetsche(n) doen gelijc ande(re) he(re)n/ en(de) p(re)laten hae(re)n wynne(n) en(de) pachtene(re)n boven en(de) benede(n) doen sele(n)/ It(em) sal de voirs(creven) wyn de voirs(creven) goede laten ten eynde vanden/ voirs(creven) sine(n) t(er)mijn gelijc hi die vant te sine(n) aencome(n) te/ wete(n) den wynt(er)aert liggende i tussche(n) thof en(de) de kerk van/ kersbeke met wynt rogge besayt opt vier getidege voren/ en(de) den zom(er)aert liggende op boechout gheheel en(de) de storte/ eens o(m)me gedaen It(em) selen de voirs(creven) jan en(de) de wyn/ jaerlex copen te wete(n) elc van hen hondert hope stroes/ om mest d(aer) af te make(n) en(de) als de voirs(creven) wyn sijn stroe/ copen sal dat sal hi de(n) voirs(creven) janne ont te vore(n) late(n) wete(n)/ om den selven janne d(aer) bi te come(n) of te seynden En(de) te wat/ plaetse(n) de voirs(creven) jan sijn stroe coept hondert hope(n) stroes coept/ copen sal daer salt de voirs(creven) wyn met sine(n) wage(n) en(de) p(er)de(n)/ moeten halen sond(er) cost de voirs(creven) jans En(de) alle de punten/ vorw(er)den en(de) condicien bove(n) bescreve(n) hebbe(n) geloeft de voirs(creven)/ jan in deen side en(de) de voirs(creven) henric in dande(re) malcande(re)n/ vast en(de) gestedich te houden en(de) deen ande(re)n daer af te voldoen/ tallen tiden als si valle(n) en(de) v(er)schine(n) selen in alle d(er) vuegen/ formen en(de) manie(re)n bove(n) bescr(even) en(de) telke(n) t(er)mijn als v(er)volghde/ schout En(de) hier af sijn burghe(n) des voirs(creven) ja henrics alse/ p(ri)ncipael sculde(re)n ongesundert en(de) ongescheide(n) en(de) elc voe(r) al/ willem en(de) gielijs van landeloes sijn bruede(re)n henric/ van ned(er)hem van miskem jan spremont henric vinx/[oec va(n) miske(m) en(de)] henric jueten van kersbeke de welke de voirs(creven) henr(ic)/ van landeloes heeft geloeft hier af scadeloes te houde(n)/ en(de) co(m)merloes tontheffen borch(oven) iunior wante ap(ri)lis vii