It(em) goert vand(er) molen sone gheerts wilen vand(er) mole(n) willem/ bogart van meensele vranc de plueghe(re) van libbeke jan van oppem/ dieme(n) heet meest(er) jans en(de) reyne(r) van tricht diemen heet vanden/ broeke van wynghe in jegenwordicheit d(er) scepen(en) van loeve(n) gestaen/ hebbe(n) geloeft op hae(r) lijf en(de) op hae(r) goet en(de) op zoenbreke en(de)/ landbreke te sijn dat si om negheenre sake(n) wille hoedanich die/ sijn mach oft van wat saken die rue(re)nde mogen come(n) die geschiet/ mogen sijn tot opte(n) dach van heden tussche(n) jo hen in deen side/ en(de) joffr(ouwe) kath(er)inen weduwe jans wilen spapen van wynghe janne/ en(de) joffr(ouwe) kath(er)ine(n) [spape(n)] hae(re)n kijnde(re) henricke(n) natuerlic sone henrics wile(n)/ spapen die sone was des voirs(creven) wilen jans spape(n) henricke(n) nat(uer)lic/ sone henrics wile(n) spapen die brued(er) was des voirs(creven) wilen jans/ spape(n) janne sly(m)me kath(er)ine(n) trybouts janne en(de) bouden hae(r)/ kijnde(re) janne vanden vee(re) die wynne es d(er) voirs(creven) joffr(ouwen) ka(theri)[ne(n)]/ d(er) moed(er) en(de) janne den pape diemen heet nethema(n) in dande(re)/ den selven p(er)sone(n) ni(m)mer meer bede hatye viantscap noch/ wangonst in worde(n) noch in werke(n) doen noch drage(n) en sele(n)/ / in negheenre manie(re)n bekennende en(de) verlyende openbaerlic de/ voirs(creven) yerste vijf p(er)sone so wae(r) si hier jegen daden in e(n)nig(er) manie(re)n/ dat si dan hae(r) lijf en(de) hoe(r) goet sond(er) v(er)drach verboert selen hebben/ ond(er) wat he(re)n en(de) gericht si vonden selen werden Cora(m) borchoven/ iunio(r)e (et) henrico wante scab(inis) lov(aniensibus) anno xiiii[c] xxix julii xxi