Cond sij allen lieden want henric magnus van bruessel/ voer meye(r) ende scepen(en) van loven(en) gegoedt ende gheerft/ is inde goede boschen ende heerlicheiden van vaelbeke/ inden bosch met allen sinnen toebehoirten gelijc raes/ van graven hee(re) van heeverle en(de) van malevien die/ goede te houden plach so eest dat de voirs(creven) raes/ in deen zijde ende henric magnus voirs(creven) in dande(r)/ comen sijn voer scepen(en) van loven(en) ende hebben und(er)inge/ en(de) met hoe(re) beyder vryen wille gemaict en(de) sijn/ eendrechtelic ingegaen de vorwerden ende condicien/ h(ier) nae vercleert vand vanden bon goeden bosschen/ ende heerlicheiden voirs(creven) Ierst es vorwerde ende/ verdeedinct dat de voirs(reven) hee(re) van l raes en(de) sijn na/ comelinge inde voirsc(reven) heerlich(eit) van vaelbeke inden bosch/ negheen recht meer hebben noch behouden sall en/ sullen dan alleene dleve(re)n vanden live en(de) van leden/ ende trecken vanden hoetvaert vanden scepen(en) van/ vaelbeke tot aende scepen(en) van heeverle gelijc als/ dat van outs gewoenlic is geweest sonder argelist/ ende dat d es voert gevorwert als vanden bosche/ van cochelb(er)ghe ende niet vorder dat de voirs(creven)/ raes en(de) sijn nacomelinge daer op hebben en(de) behouden/ sullen hoe(r) jaghen de heerlich(eit) vanden jaghen en(de)/ trecht vander layen alsmen tvoirs(creven) bosch layen en(de) / v(er)coepen sall ende oft op tvoirs(creven) bosch van cochelb(er)ge/ gebruect worde het wae(re) van oft core vielen / het wae(re) van lieden oft van beesten so sall/ de meye(r) en(de) diene(re) des voirs(creven) henric magnus
//
oft sijne nacomelinge de gheene die aldair bruecechtich / vonden sullen worden dien moghen aentasten en(de) houden/ en(de) ter stont overleve(re)n den meye(r) oft vorster van hev(er)le/ en(de) dan sal die meyer oft vorster den goeden lieden / meye(r) oft vorster des voirs(creven) henric magnus hoe(re)n scade / solarijs en(de) den goeden lieden dien de scade gedaen sal w(er)den [sijn]/ hoe(r) scade v(er)antwerden en(de) betalen oec is verdeedinct/ en(de) gevorwert dat de meye(r) des voirs(creven) raes en(de) sijnre/ nacomelinge van stat scoude comen(de) vanden voirs(creven) bosche/ van cochelb(er)ge recht doen moegen ten wae(re) dat sij/ die schout in vryen bancken geloift hadden die tot/ den bewijnde des hee(re)n van heeverle niet en stonden oft/ dat de sculd(er)en dair aff geseten waren onder der heerlich(eit)/ van vaelbeke voirs(creven) dan so salmen die schout vervolgen/ ter plaetsen daer dat behoirt oft te vaelbeke daer / onder sij geseten sullen zijn ende oec dat de diene(re)/ des voirs(creven) raes oft sijnre nacomelinge op den voirs(creven)/ bosch van cochelb(er)gen moegen aentasten alle/ mesdadige p(er)soene van live en(de) van leden noch/ is verdeedinct dat de voirs(creven) henric magnus oft en(de)/ sijn nacomelinge den voirs(creven) bosch van cochelb(er)ge sullen/ mogen beheymen bevreden en(de) omgraven ende oft/ e(n)nich vander voirs(creven) p(ar)tien beesten in toecomen(de) tiden op/ des anders bosch quamen en(de) scade daer op daden so/ es verdeedinct dat die met weseleken schote/ gestaen sullen aenden gheenen die [sij] de scade gedaen/ hebben gelijcmen op en(de) nader van bosch scaden leden/ gestaen sall oec sall de voirs(creven) henric magnus
//
en(de) sijn nacomelinghe op den bosch des hee(re)n van heev(er)le/ jaerlix moegen doen viii stucke horens beets daer/ aff sij niet meer geven en sullen dan de ond(er)seten van/ heeverle van geliken en doen Item es noch verdeedinct/ dat de ondersete van vaelbeke en(de) van cochelb(er)ge/ voirs(creven) water en(de) weye moegen nemen onder/ de heerlich(eit) van heeverle voirs(creven) also sij van outs/ gewoenlic sijn geweest te nemen ende gestaen/ met alsulken core en(de) brueke als sij van outs gelijc/ des voirs(creven) raes ond(er)seten va gestaen hebben imp(ositus)/ henricus d(i)c(t)us magnus de bruxella p(er) borch(oven)/ abs(oloens) g(ra)ven ouder(ogghe) decembr(is) t(erti)[a]