SAL7724, Akte: V°4.1,R°5.2 (2 van 247)
Akte V°4.1,R°5.2
Act
Datum: 1430-06-27
Taal: Nederlands
Transcriptie
2012-02-15 door Willy StevensCond zij allen liede(n) dat want willem stessens metten meye(r) en(de)/ scepen(en) van veerle bi bevele des meyers van loeven in de(n) recht /d(er)
stat va(n) loeven come(n) en(de) geleydt is tot allen de(n)[onberuerlike(n)] goede(n) jans van wesele van veerle sijns sweers in de
p(ro)chie va(n) veerle gelege(n) daer/om eest dat de voirs(creven) willem stessens come(n) is voe(r) in jege(n)werdich(eit)/d(er) scepen(en) va(n) loeve(n) en(de) heeft bekendt en(de) v(er)lijdt openbairlic dat /de voirs(creven) jan va(n) wesele alle de voirs(creven) goede sijn leefdage /lanc peysselic en(de) vredelic hebbe(n) gebruyde(n) behoude(n) en(de) besitten/ sal (en)de alle de p(ro)fijten d(aer) af heffen en(de) boren en(de) die na sine(n)/ vryen wille beke(re)n en(de) genielt also dat heylwijch tielijs /wijf des voirs(creven) jans van wezele lang(er) leefde dan de selve/jan hae(r) man dat si dan en(de) in diere voege(n) de huysinge /mette(n) hove en(de) met hare(n) toebehoirte(n) gelijc als die gelegen sijn /tot veerle hae(r) leefdage lanc geheelic en(de) al hebbe(n) en(de) besitte(n) /sal en(de) alle dande(r) goede sal de selve heylwijch half tot /haere tocht na de(n) lantrecht al(daer) behouden en de besitten /niet wed(er)staende den beleyde voirscr(even) en(de) gevielt oec also /dat [yde] des voirs(creven) willem stessens wijf natuerlic docht(er) des voirs(creven) /jans van wesele van live ter doet quame voe(r) de(n) voirs(creven) /wille(m)me hae(re)n man sond(er) wittige geboirte van hem te hebbe(n) /dat dan de voirs(creven) willem de voirs(creven) goede sijn leefdage /lanc tot sijnre tocht besitten en(de) behouden sal en(de) niet lang(er)/en(de) dat die na de doet des selfs willems comen selen tot/de(n) naesten erfgename(n) des selfs jans daer die na de(n) lantrecht/sculdech sijn toe te comen en(de) waert also dat de voirs(creven) yde/van live ter doet q(ua)me sond(er) wittige geboirte al achter hae(re) /te laten dat dan de voirs(creven) goede oec come(n) selen tot den/warighen en(de) naesten erfgenamen des voirs(creven) jans haers/vaders dair si na den lantrecht sculdech sijn op te comen /sond(er) argelist niet wed(er)staende oec den beleyde van voirg(enoemd)
//
Oic heeft de voirs(creven) willem gewillecoert en(de) geconsenteert gevielt also dat/de voirs(creven) jan sijn zweer wettighe geboirte van sine(n) live acht(er) liete dat/hi dan inde stad vand(er) voirs(creven) yden sinen wive inde voirs(creven) goede niet/vorder deylen noch geacht sijn en sal voe(r) een kijnt boys velde/junii xxvii
//
Oic heeft de voirs(creven) willem gewillecoert en(de) geconsenteert gevielt also dat/de voirs(creven) jan sijn zweer wettighe geboirte van sine(n) live acht(er) liete dat/hi dan inde stad vand(er) voirs(creven) yden sinen wive inde voirs(creven) goede niet/vorder deylen noch geacht sijn en sal voe(r) een kijnt boys velde/junii xxvii
Nagekeken door: Inge Moris
Moderator: Inge Moris
Laatste update:: 2012-02-15 door Inge Moris