Cond sij alle(n) liede(n) want stoet en(de) geschille opv(er)staen sijn geweest/ tussche(n) pete(re)n gans en(de) absoloen vanden hove die na de(n) recht d(er) stat/ va(n) loeve(n) comen en(de) geleydt zijn tot de(n) goeden beruerlic en(de) onberuerlic/ willems wile(n) vande(n) hove van meldert so wae(r) die goede gelege(n)/ of met wat name(n) die genoemt sijn in deen side en(de) h(ere)n reyne(re)n/ p(ri)este(r) en(de) henricke(n) van hespey(en) gebruede(re)n en(de) clase tsoer in dande(re)/ vanden goede(n) voirscr(even) Soe sijn de vors(creven) p(ar)tijen des come(n) voe(r) scepen(en)/ va(n) loeven en(de) sijn underlinghe bi rade van vriende(n) vande(n) vors(creven) stote/ verenicht en(de) aengegaen de vueghe en(de) de manier gelijc hier na/ bescreven(n) is Inden yerste(n) so hebbe(n) geloeft de voirs(creven) pet(er) en(de) absoloen/ dat si de(n) vors(creven) h(ere)n reyne(re)n en(de) henricke(n) gebruede(re)n en(de) clase tsoer/ nu(m)m(er)meer belett [noch] hynde(r) doen en selen metten voirs(creven) belyde aende/[onberuerlike] goede also v(er)re als die comen zijn vander zijden joffr(ouwe) yden vande(n)/ b(er)ghe wile(n) wijf des voirs(creven) wilen willems vande(n) hove en(de) oudemoeye/ des voirs(creven) h(ere)n reyniers en(de) henrics gebruede(re) so waer die goede/ gelege(n) zijn En(de) of de voirs(creven) wilen willem vanden hove en(de) joffr(ouwe)/ yde zijn wijf e(n)nighe onberuerlike goede te gade(r) v(er)crigen hadde(n) so/ is dair af v(er)dedingt en(de) gevorwerdt tussche(n) de voirs(creven) p(ar)tijen dat/ die come(n) en(de) gaen selen tot de(n) ghenen daerse na den lantrechte/ sculdech sijn te gaen niet wed(er)staende den beleyde voirs(creven) Voert/ is v(er)dedingt tussche(n) de voirs(creven) p(ar)tijen dat de voirs(creven) h(er) reyner en(de)/ henric gebruede(re)n en(de) claes tsoer hae(r) swagher de(n) vors(creven)/ pete(re)n en(de) absolone(n) voe(r) hae(re)n cost en(de) moeyenisse die sij om/ tvoirs(creven) beleydt te doen gelede(n) en(de) gedaen hebbe(n) ter stont/ gheven en(de) betale(n) selen xxiiii g(ri)pen te wete(n) xl pl(a)c(ken)/ payments voe(r) elke(n) gripe gerekent en(de) desgelijx sele(n) de/ voirs(creven) gebruede(re) en(de) hae(r) zwage(r) de(n) selve(n) pete(re)n en(de) absoloen/ gheve(n) tot behoef der schout die olivier wile(n) vande(n) hove/ en(de) sijn wijf sculdech mochte(n) blive(n) xxx gulden crone(n) te wete(n)/ lxxii pl(a)c(ken) pay(ments) voe(r) elke croen gerekent [ts(in)te andries misse apostels naest co(men)[de] te betale(n)] ende hier op hebbe(n) geloeft/ de vors(creven) pet(er) en(de) absoloen alle wettighe schout te betale(n) op/ also dat hen en(de) hae(re)n beleyde om der betalinge(n) wille volgen/ selen alle de haeflike goede die achter den voirs(creven) wile(n) oliviere(n)/ en(de) wile(n) he(n)neke(n) sine(n) soen bleven sijn so waermen die have vynde(n)/ mach alsoe v(er)re als die have niet erdevast en(de) [of] naghelvast en is/ allen argelist hier in uutgescheide(n) hier ov(er) wae(re)n jacob uute(n)/ lye(ming)[en] (et) my(cha)[elis] abs(oloens) oct(obris) xvii