Cond sij alle(n) liede(n) dat vranc drapeneel es come(n) in jegenw(er)dich(eit)/ d(er) scepen(en) va(n) loeve(n) en(de) heeft genomen en(de) bekendt dat hi genom(n) heeft/ va(n) he(re) janne van dorp proefst des godshuys van vlied(er)beke / inde(n) name en(de) van wege(n) des selfs godshuys alle die lande en(de) alle/ de scone en(de) alle helechtwy(n)ninghe die de tvors(creven) cloest(er) houdende is/ inde p(ro)chie va(n) meerbeke bi ev(er)sb(er)ghe uutgenome(n) de(n) tsijs en(de) heerlich(eit)/ die d tvoirs(creven) cloest(er) ald(aer) heeft te houden te hebben en(de) te wynne(n)/ va(n) half merte naistcomende ene(n) t(er)mijn van twelf jae(re)n lanc/ deen na dande(re) d(aer) na staphans volgende elx jaers d(aer) en bynne(n)/ om viii mudde rogs goede en(de) payabel pacht va(n) meerbeke/ iii½ wanne en(de) iii½ vede(re)n wael bereydt d(er) mate(n) va(n) loeve(n) tsente/ andries misse apostels te betale(n) en(de) tot vlied(er)beke int vors(creven) godshuys/ te leve(re)n en(de) alle jae(re) de(n) vors(creven) t(er)mijn dur(ende) en(de) telk(n) t(er)mijn alse/ v(er)volghde schout It(em) es vorw(er)de dat de voirs(creven) vranc ten/ eynde vande(n) voirs(creven) t(er)mijn late(n) sal besayt vande(n) voirs(creven)/ lande ii½ dachmael met wynt(er)coren en(de) de voirs(ceven) lande wel/ en(de) loflic jaerlix wynne(n) en(de) w(er)ve(n) en(de) mesten gelijc sine(n) reeng(enoten)/ bove(n) en(de) beneden hier aff sijn borghe(n)[dede vors(creven) vrancs] als pr(incipae)[le] sculde(re)n ongesund(er)t/ en(de) ongesch(eiden) en(de) elc voer(r) al jan en(de) wout(ere) drapeneel gebrued(er)s/ sijn soen dwelke hi geloeft geeft hier af scadeloes te/ houden en(de) co(m)merloes tontheffen vynck voshem febr(uarii) vii /