Cond zij allen lieden dat h(er) willem van mon[t]forde/he(re) tot latum ridde(r) in jegenwordicheyt d(er) scepen(en) va(n) loeve(n)/gestaen heeft bekend en(de) verlijdt openbaerlic dat hi wittelic/v(er)cocht in tytle van gerechte cope janne dicbier he(re) tot myerle/alsulke(n) tocht recht en(de) aensprake als hi hadde of hebbe(n)/mochte in e(n)nig(er) manie(re)n int slot stat en(de) lant van wegen/[vacat]/Om een seke(re) so(m)me ghelts d(aer) af de voirs(creven) h(er) willem/vande(n) voirs(creven) janne dicbier te vreden is hem bekendt heeft /te vreden is Gelovende de vors(creven) jan h(er) willem voe(r)/hem sijn erfgename(n) en(de) nacomelinge(n) de(n) vors(creven) janne dicbier sine(n)/erfgename(n) en(de) nacomelinge(n )vand(er) vors(creven) tocht recht en(de) aensprake/altijt genoech te doen en(de) hem jege(n) ene(n) yegelike(n) recht/warant te zijn en(de) den vors(creven) janne dicbier [vande(n) vors(creven) goede(n)] af te/doen te ontlasten en(de) vry en(de) los te houden van alle/co(m)me(r) en(de) last van also ve(r)re als die op de selve goede/van des vors(creven) h(ere)n willems of van wege(n) wile(n) joffr(ouwe)/lijsbette(n) va(n) mege(n) weghe(n) sijnre gesellinne(n) d(aer) comen oft/gemaect mogen sijn in e(n)nig(er) manie(re)n hier in alleen uutgescheide(n)/alsulke(n) verbijnttenissen en(de) gelufte(n) als de selve wile(n) joffr(ouwe)/lijsbeth va(n) meghe(n) vand(en) vors(creven) goede(n) gedaen en(de) geloeft mach/hebbe(n) joffr(ouwe) machtelde(n) wilen van beverwerde haerre/moeder also dat dat de(n) vors(creven) janne dicbier sinen/erfgenamen en(de) nacomelingen vast en(de) seker sijn sal pynnoc/miles lyemi(n)ghen sept(embris) xx[a]/