SAL7725, Akte: V°115.1 (94 van 276)
Akte V°115.1
Act
Transcriptie
2011-11-14 door Willy Van BruystegemVan alsulke(n) gedinghe als geweest is voe(r) meye(r) en(de) scepen(en) van
loeve(n) tusschen lijsbette(n) smans weduwe jans wilen gans in deen side
en(de) henricke(n) gans hae(re)n sweer in dande(r) alse van xii crone(n)
i bedde met sine(n) toebehoirte(n) vanden harnasch tot tot des vors(creven)
jans live behoerde en(de) vinden getouwen den voirs(creven) janne te
blive(n) na des voirs(creven) henrics doet dair af de voirs(creven) lijsbeth
goede waerheyt leydde dat de vors(creven) henric gans der
voirs(creven) wile(n) janne sine(n) soen mett(er) voirs(creven) lijsbette(n) in huwelik(er) vor
werde(n) geloeft hadde es tvonnisse dat de selve henric der
voirs(creven) lijsbetten vand(er) huwelik(er) vorw(er)de(n) voldoen sal gelijc
de waerheyt gedragen heeft cor(am) [pynnoc] lyemi(n)ge(n) lombart abs(oloens)
hug(ar)den voshem des sat(er)daeghs xxvii in oktober
Nagekeken door: Inge Moris
Moderator: Inge Moris
Laatste update:: 2011-11-14 door Inge Moris