Ite(m) alse vanden gedinghe dat geweest is voe(r) meye(r) en(de) scepen(en)/ van loeven tusschen brued(er) thomaes van pale convers de(n)s godshuys/ van gruenendael inde(n) name vande(n) selven godshuys in deen side en(de)/ mychiele absoloens en(de) janne van vertrike die geleydt zijn tot/ den goeden lijsbette(n) weduwe [willems] wilen van thienen in dande(r) alse/ van alsulke(n) grontzijse en(de) erfpacht dair voe(r) tvoirs(creven) godshuys/ de goede der voirs(creven) vrou lijsbette(n) mette(n) recht uutgedaeght/ heeft en(de) d(aer) af de scepen(en) va(n) loeven openbairlic gewijst/heeft en(de) ha en(de) gesett hadde(n) de p(ar)tijen inde(n) hof recht/ ald(aer) te neme(n) en(de) te gheve(n) mids de welke(n) de voirs(creven) mychiel/ en(de) jan van vertrijck meynde(n) na trecht d(er) stat va(n) loeven/ dat de sake wed(er) op hae(r) yerst staen soude en(de) dat alsulke(n)/ uutdaghe(n) als d(aer) af gedaen hadde[wae(re)] te nyeute en(de) van gheend(er)/w(er)den wese(n) [werden wesen we] en soude den voirs(creven) brued(er) thomaes de (contra)rie/ d(aer) af allige(re)nde en(de) seyde dat dat van rechts wege(n) also niet/ sculdich en wae(re) te geschien na dien dat trecht vande(n) uut/ dage(n) vors(creven) vollope(n) en(de) volvuert was eer de sake voe(r) scepen(en)/ van loeve(n) getoge(n) w(er)t mer geloefde wael de vors(creven) brued(er) thomaes/ dat de sake(n) die aldus voe(r) scepen(en) van loeve(n) getoge(n) w(er)de(n) en(de)/ niet volvuert en zijn wed(er) sculdech sijn op hae(r) yerst gesett/ te w(er)den heeft de raet vand(er) stat van loeven get(er)mineert/ voe(r) recht want duutdaghen volvuert wae(re) gelijc/ voirs(creven) is dat dat sinen voertganc hebbe(n) sal mer/ wilt de vors(creven) lijsbeth hae(re) goede lossen dat si dat/ doen mach bynne(n) jaers met cost en(de)met co(m)mer/ op also wille yemant e(n)nich recht vorde(re)n dat hi dat/ doen mach inde(n) hof daer de goede hoven cor(am)/ roelant wynghe burg(i)mag(ist)ris do l [d(omi)no] lud(ovico) pynnoc milite/ will(el)mo lombart et andrea de voshem scabinis et/ plur(r)ib(us) aliis de consilio xxvi febr(uarii) anno xxxi/