It(em) want rombout boem [wettich] soen h(ere)n rombouts boem/ priesters met meye(r) en(de) scepen(en) van loeve(n) geleydt was/ tot de(n) goeden des selfs h(ere)n rombouts sijns vaders/ en(de) peters boem sijns brueders dair aff de vors(creven)/ h(er) rombout begheert hadde en(de) begheerde voe(r) scepen(en)/ va(n) loeve(n) beyde schoutbrief en(de) beleydebrief wed(er) te/ hebbe(n) en(de) in sijnre macht te behoude(n) gelijc hi die/ hadde en(de) also is dat de voirs(creven) rombout bi/ subtijld(er) lastichheyt en(de) sond(er) wille wete(n) en(de) (con)sent des/ voirs(creven) h(ere)n rombouts zijns vaders aende vors(creven) brieve/ wed(er) come(n) is also de selve h(er) rombout dat bide rade/ va(n)d(er) stat bracht heeft die aensach en(de) voe(r) oghen/ nam hoe vele quaets en(de) sorghen hier in gele gevalle(n)
//
mocht op datmen tghelijc doen mocht en(de) men met behoirlike(n)/ weghen hier toe niet en v(er)saghe So eest dat de raet/ vand(er) stat openbairlic get(er)mineert heeft datmen den vors(creven) rombout/ noch nyemand anders mette(n) voirs(creven) brieve(n) beyde beleydbrief en(de)/ schoutbrief nu(m)m(er)meer behulp van recht doen en sal noch laten/ doen in negheenre manie(re)n mer dat die brieve selen zijn en(de)/ blive(n) gelijc of die te nyeute en(de) gecasseert wae(re)n ten wae(re)/ dat de voirs(creven) h(er) rombout in tiden toecomende selve sijn (con)sent/ daer toe gave en(de) oft int bedecte d(aer) mede yet gewracht/ worde dat dat van gheenre werden zijn en sal cor(am) roelants/ burg(er)meest(er) [d(omi)no] pynnoc lye(mingh)[en] scabinis lov(aniensibus) et (com)plu(ri)bus aliis/ de (con)silio anno m[mo] cccc[mo] xxxi[mo] m(en)s(is) m(ar)tii die undecima