It(em) tvonnis tuschen henricke scheper van wilre in deen zide ende janne/woute(re)n en(de) henric keyen[oe(ge)] van tieldonc gebrued(er)s in dande(r) als vanden/genoech doen van enen huyse en(de) hove met sinen toebehoirte(n) gelegen te/wilre tuschen de goede gord gielijs en(de) wouter noetsaert gelijcmen de/voirs(creven) goede in erfdomme houdt vander vrouwen van asch welc goede de selve/henric jegen de voirs(creven) gebrued(er)s gecocht hadde en(de) die hem d(aer) aff waerscap/en(de) genoech te doen geloeft hebben en(de)die hem oic metten recht en(de) vonnis bij/katlinen marien en(de) g(er)truden smolders gesuste(re)n affgewonnen sijn gelijc de/selve henric scheep(er) dat inden recht voir meye(r) en(de) scepen(en) van loeven bethoende/en(de) bewijsde es dat de voirs(creven) gebrueders den voirs(creven) henricke den scheep(er) genoech/sullen doen van alsulk(er) waerscap als sij hem vanden voirs(creven) goeden geloeft/hebben na taxacien van goeden cnapen cor(am) pynnoc lomb(ar)t abs(oloens) vynck/hug(ar)den voshem sept(embris) xiii/