It(em) van alsulken stote en(de) geschille als geweest is tusschen janne kyp van/ wesemael molde(re) in deen side en(de) den godshuys van bethleem in dande(r)/ van alsulke(n) afslage als de vors(creven) jan meyndde dat tvors(creven) godshem hem/ sculdich wae(re) af te corte(n) vande(n) jae(r) voirleden van dat de mole(n) van/ wijchmael stille gestaen soude hebbe(n) met alrehande redene(n) die elc/ vande(n) p(ar)tijen bibrachte(n) en(de) alligeerde(n) etc(etera) heeft de raet vand(er) stat/ va(n) loeve(n) get(er)mineert voe(r) reden en(de) recht na daenbr(in)ge(n) die de/ gedeputeerde d(er) stat van loeven die si daer bi geschicte(n) [hadde(n)] de(n) vors(creven)/ stote te slichten hae(r) aenbracht hebbe(n) dat tgodshuys van bethlem de(n)/ vors(creven) janne kyp van sine(n) pachte afslaen sal iii weken lanc dat de mole(n)/ stille gestaen heeft en(de) dat des voirs(creven) jan kyps lijf en(de) goet int rema/ nant vande(n) v(er)schenen(en) pacht vors(creven) gehoude(n) selen zijn act(um) in pleno co(n)silio/ decembr(is) xix anno xxxii