Ite(m) want int jae(r) voirleden biden rade vander stat bi merkelike(n) en(de)/ notablen redene(n) get(er)mineert en(de) uutgesproken is tusschen h(ere)n romboude/ boom prieste(r) in deen side en(de) rombout boom sine(n) wettigen soen die/ na de heerlicheit ons genedichs he(re)n van brabant en(de) na zijnre stat/ recht va(n) loeven comen en(de) geleydt is tot den goeden des voirs(creven)/ h(ere)n rombouds sijns vaders in dande(r) van alsulke(n) scepen(en) brieve(n)/ van loeven beyde schoutbrief en(de) beleydtbrief daer mede/ de vors(creven) rombout geleydt is tot de(n) goeden des vors(creven)/ h(ere)n rombouts sijns vaders en(de) e(n)nighe daer om uutgeweest/ zijn de vors(creven) t(er)minacie te breken subtijlheyt d(aer) toe/ suekende dat de selve t(er)minacie te nyeute gedaen/ worde gelijc dat claerlic biden rade vand(er) stat come(n) es/ Daer om eest dat de voirs(creven) raet vand(er) stat op ene(n) ge/ daeghde(n) dach notabilic v(er)gadert zijnde die de voirs(creven)/ t(er)minacie voe(r) hen dede leesen en(de) dwaer o(m)me dat/ hae(re) voe(r)sete(n) die t(er)minacie voe(r) recht [en(de)] bescheyt uutsprake(n)/ te h(er)ten nemende de vors(creven) raet wed(er) van nuws ghe/ t(er)mineert heeft voe(r) reden(en) en(de) recht dat de t(er)minacie voe(r)/ gheruert in haerre volcomender macht bliven en(de) onver/ brekelic gehouden sal werden sond(er) yet d(aer) jegen te zueke(n)/ of te vijnden cora(m) lyemi(n)ghe(n) voshem burg(i)mag(ist)ris/ hanewijc velde scab(inis) lovan(ensibus) et q(uam)plu(r)ibus aliis de/ consilio iii daghe in aprille anno xxxii/