Cond zij allen lieden dat willem de sceep(er)e is comen voer scepen(en) van/ loven en(de) heeft genomen en(de) bekent dat hij ghenomen heeft van h(e)r(e)n janne den zwaef/ ridder thoff ende goede des selfs h(e)r(e)n jans geheten van myngerloe gelegen/ te nedervelpe in woeninghen huysen hoven wynnenden landen beemden eeussele(n)/ en(de) allen en(de) yegewelken hue(re)n toebehoirten te houden te hebben en(de) te wynne(n)/ van halfmeerte dat was int jae(re) ons hee(re)n dusent vierhondert tween(de)dertich/ eenen t(er)mijn van sesse jaren langc deen na dander staphans sonder middel/ volgen(de) elcx jairs hie(re)n bynnen te weten de voirs(creven) wynnende lande op ende/ omme tweentsestich mudde harts corens pachts en(de) maten van loven tsente/ andries misse appostels te betalen en(de) te loven oft te thienen te leve(re)n daert/ den voirs(creven) h(e)r(e)n janne beste genuegen sall op cost des voirs(creven) wynnen alle jae(re) den/ voirs(creven) t(er)mijn due(re)nde en(de) telken t(er)mijne als vervolghde scout ende de voirs(creven)/ beemde en(de) eeussele op en(de) o(m)me sestiene mottoene te weten vierthien/ placken ghemeyns brabantsch gelts voer elken mottoene voirs(creven) gereeckent/ te betalen te sente m(er)tens misse en(de) sonder begrijp tot sente andries/ misse daer naest volgende alle jae(re) den voirs(creven) t(er)mijne due(re)nde en(de) telken t(er)mijne/ als v(er)volghde scout Item es hier inne gevorwert en(de) gecondicioneert so/ wa(n)neer men inden voirs(creven) hove aen oude huysingen werct dat dan de/ selve wynne den wercluden alleene den montcost geven sall Item sall/ de voirs(creven) wynne de huysinge vanden hove voirg(enoemd) in goeden state houden/ vanden ondersten rikelen ned(er)weert sinen voirs(creven) t(er)mijn sond(er) des voirs(creven) h(e)r(e)n jans/ cost Item sall de selve wynne de oeft vanden voirg(enoemde) goeden comende/ alleen hebben en(de) behouden Item sall de voirs(creven) wyn daer voe(r) m(ijn) hee(re)n/ ghesellynne jairlix den voirs(creven) t(er)mijn langc geven twee steene vlas/ Item sall de voirs(creven) wynne jairlix inden vors(creven) hove sinen t(er)mijn staende/ leve(re)n dusent goeder walme(re) o(m)me de huysinghe daer mede te bedecken/ en(de) alsmen dat doet so sall de wynne den wercluden alleen den/ montcost betalen Item sall noch de selve wynne den voirs(creven) h(e)r(e)n janne/ so wa(n)neer de selve h(er) jan osijn vrouwe oft huysgesinde int voirs(creven) hof come(n)/ sculdich sijn te leve(re)n voer sine peerde hoey en(de) stroe voert eest also dat/ willem de wynne te doen heeft datmen hem van enigen pachte borghe/ op enich jae(r) so sall mijn hee(re) den selven willem borgen sesse seven oft thien/ mudde corens tot den oegste en(de) dan sall hise moeten met gelde betalen gelijc/ als m(ijn) hee(re)n ande(re)n pacht v(er)cocht oft verdinct sall werden Item sall h(er) jan sijn/ huys int voirs(creven) hof behouden uut en(de) inne te riden(e) oft yemant van sinen weghen/ alst hem genuegen sall gelijc voirs(creven) is en(de) te houden gelijc alst van/
//
outs gehouden is geweest vort so sall de voirs(creven) lande wael en(de)/ loflic de voirs(creven) wynne ten afsceiden van sinen t(er)mijne gewo(n)nen/ en(de) geworven laten te weten tuschen seve(ne)n en(de) viii boendere/ lants geheten den aert boven de vreweyde met wyntercoren/ besaeyt gelijc hij dien vonden heeft den aert tuschen/ willebringen en(de) nedervelpe eens o(m)me gedaen den derden/ aert tuschen opvelpe en(de) nedervelpe opten oedenberch oec/ eens o(m)me gedaen ende alle dese vurw(er)den en(de) (con)dicien/ heeft geloeft de voirs(creven) willem(me) den voirs(creven) h(e)r(e)n janne den/ swaef wael en(de) volcomelic te voldoen en(de) te volvue(re)n tallen/ tiden en(de) t(er)minen als sij vallen en(de) v(er)schinen sullen en(de) telken/ t(er)mijne als v(er)volghde schout h(ier) aff sijn borgen des voirs(creven)/ willems als principale sculde(re)n ongesundert jan de sceepere/ en(de) gord de melte(re) p(r)imus cor(am) oppend(orp) witteman no(vembris)/xviii xviii
//