Want her arnt roefs p(ri)oer des godshuys opte haghe bi eyndhoven/ hier voermaels onder scepen(en) van loeven gesett heeft vijf scepen(en) brieve/ van tsh(er)togenbossche sprekende van and(er)halfhondert hollantsche gulden(en) erflik(er)/ renten op de dorpen en(de) heerlicheyden van heeze en(de) van leende/ toebehoe(re)nde den edelen h(ere)n janne van huerne he(re) van baussengniez etc(etera)/ En(de) dat tot dier meyninghen datmen de vors(creven) brieve gheve(n) en(de) telivere(re)n/ soude den voirs(creven) h(ere)n janne van huerne op dat de edele jonck(er) jan/ wile(n) van scoenvorst borchgreve te monjoye etc(etera) die op die tijt bynne(n)/ den slote va(n) zichne gevangen sat vander vors(creven) gevanckenisse los en(de)/ quijt worde En(de) of des niet en geschiede datmen dan de selve/ brieve wed(er)geven soude den voirs(creven) h(ere)n arnde roefs met alsulk(er) vor/ w(er)den inder vors(creven) yerstenr vorw(er)den ondersproken doen de vors(creven) brieve/ ond(er) scepen(en) van loeven gesett worden geboret also dat e(n)nige renten/ vanden voirs(creven) i(½)[c] gulden erflik(er) renten na begrijp vande(n) vors(creven) brieve(n)/ bynne(n) den myddele(n) tijde dat de vors(creven) wile(n) jonck(er) van monjoye geva(n)/ ghe(n) bleve viele(n) en(de) v(er)schene(n) dat die rente(n) comen en(de) bracht soude(n) w(er)de(n)/ op d(er) stat wissel van loeven om die de(n) voirs(creven) godshuyse voert te volge(n)/ gelijc tregister d(aer) af voe(r) scepen(en) va(n) loeve(n) gemaect int jae(r) xiiii[c]/ xxxii xii daghe in merte volcomelic begrijpt En(de) god van/ hemelrijc nu also gevueght heeft dat de vors(creven) wile(n) jonck(er) jan/ van scoenvorst ind(er) voirs(creven) gevanckenissen sond(er) uut te come(n) aflivich worde(n)/ is So heeft de raet vand(er) stat aensiende en(de) voe(r) oghen neme(n)de/ tgheen des voe(r) scepen(en) van loeve(n) gemaect en(de) gevorwerdt wordt dat/ sij dat van eeds weghe(n) aen ene(n) yegelike(n) moete(n) doen houden get(er)mineert/ voe(r) recht datmen den vors(creven) godshuyse opte haghe de voirs(creven)/ brieve hen dat v(er)suekende wed(er)geven en(de) ov(er)leve(re)n sal act(um) et/ t(er)minatu(m) anno xiiii[c] xxxiiii februarii t(er)cia p(rese)ntibus roelants/ wante burg(i)mag(ist)ris et aliis p(ro)ut nomi(n)ati sunt in t(er)minac(i)o(n)e/ p(re)ceden(ti)
//