Cont sy allen luden dat henric vand(er) bruggen in teghenwordichheyt/ der scepene(n) va(n) loven ghestaen heeft [genomen] en(de) bekent dat hy ghenome(n)/ heeff v van he(re)n daneel van zoenuwen biden ghedoghen ons he(re)n/ abt des ghoedhuys van av(er)bode thof des selfs goedshuys ghelege(n)/ te mysselbroec metten eussellen en(de) beempden daer toe hoere(n)de(n)/ ghelijc dat hiese tot hier [heer] toe ghehoud(en) heefft te houde(n) te hebben/ en(de) te wi(n)nen van half meerte nas naest come(n)de ene(n) termijn van/ xii jaren lanc deen nae dander daer nae sonder middelt volghe(n)de/ elc jaerss daer enbinne(n) om xxxv mud rogges en(de) xxx mud/ eve(n)ne alle beyde guet en(de) pyabel der maete(n) van diest ende/ om x pont was te sinte andriesmisse apostels te betaele(n) ende/ tot av(er)bode offt op die miel [mile] daer omtrent op den cost des vors(creven)/ wi(n)ne(n) te leve(re)n alle jaer den vors(creven) termijn duerende en(de) telker t(er)mijn/ als vervolchde sceyt [scout] noch sal die vors(creven) win alle jaer vors(creven) gheve(n)/ als voer die honde va(n) braba(n)t die int vors(creven) hoff plaghen te comen/ xv rijnsche guld(en) guet en(de) gheeff te weten iii guld(en) daer aff/ te paeschen en(de) dander xii te sinte lambrechmiss den hoefm[e]ester va(n)/ braba(n)t of sine(n) boye [bode] te betale(n) en(de) op sine(n) cost te leve(re)n It(em) sal die/ vors(creven) win alle jaer den voers(creven) t(er)mijn duerende gheven xxiii holl(ans)ghe/ guld(en) en(de) lx haent keese te sinte remeysse te betale(n) alle jaer den vors(creven)/

termijn duerende en(de) telken t(er)mijn als ver en(de) ene(n) guld(en) voer dat/ ghesin van av(er)bode inden uyt doen vand(en) beesten alle jaer den vors(creven)/ t(er)mijn duerende en(de) telken t(er)mijn als vervolchte scout It(em) sal die/ vors(creven) win die huyssinghe en(de) ti(m)mere [tymmeringhe] va(n)den [voirs(creven)] hoeff wael en(de) loflijck/ houden van waende en(de) van daeke(n) op sine(n) cost en(de) daer tuwe/[sal] sal die abt voers(creven) leve(re)n [leve(re)n] sal leve(re)n houyt en(de) yesser en(de) daer aff/d sal die win werclude hueren en(de) die dachhuer betalen mer/ viel daer iet van nuess [nuws] te ti(m)me(re)n daer tuwe soude die vors(creven) abt/ hout en(de) iesser leve(re)n en(de) dachhuere(n) betalen mer die win soude/ die wercklude vuyden [den montcost gheven] Voert sal die vors(creven) win alle(n) die grachte(n)/ en(de) tuyne(n) wael en(de) loflick houde(n) en(de) den bruel bevre wael bevreet/ en(de) dien oeck en(de) die ti(m)meri(n)ghe va(n)d(en) vors(creven) hoef te sine(n) af scheyde(n) wael/ en(de) loflick te late(n) en(de) ov(er)leve(re)n Oeck sal die win doessen eusel/ bi(n)ne(n) grachten wel ghereynicht houde(n) van bosche breme(n) ende/ dorne Ende op dees selve gras grachte en sal hy egheen hout houwe(n)/ mer die wel bevreet houde(n) Noch en sal die vors(creven) win gheen hout/[houwen] houwen dan [daer mede] met te luyken en(de) te backen It(em) sal die vors(creven) win die/ boschen des vors(creven) goedshuys al daer tuwe behoere(n)de op sine(n) cost/ wel bevreet houden en(de) daer in gheen recht hebbe(n) mer al sie/ ghehouwen sijn soe salse dabt eens wel doen vreyen op sine(n) cost/ It(em) es vorwerde dat die vors(creven) win op dleste jaer vand(en) vors(creven) t(er)mijn/ te haf halven sitte(n) sal en(de) als die leste oecst compt soe sal hy tcoeren/ dat hy dan ghesayt sal hebbe(n) half af doen mayen en(de) bi(n)nen
//
en(de) hoepen mer die tuwe coome(n)de win salt indie schuere va(n)d(en) vors(creven) hoef/ vuyeren mer want voers(creven) coeren den voers(creven) win toe behoere(n) sal soe/ sal hiet tasschen en(de) dorschen op sine(n) cost En(de) van sijnre heelcht/ va(n)d(en) coerne dat alsoe ghedorsschen sal sijn soe en sal hy niet meer/ dan tcoeren hebben mer tvoeder ent stroe sal int vors(creven) hof blieve(n)/ tot orber en(de) behoef des voers(creven) abts en(de) hoeff Oec en sal die/ vors(creven) win gheenre ha(n)de voeder hoy stroe gras mist noch eusel/ v(er)coepen noch verhueren noch vanden hoeve v(er) verberren noch nieman(t)/ beesten weyden noch gheen sonderlinghe beeste(n) houde(n) uyt ghescheyde(n)/ dat sy [hij] verke(n) moeghe(n) [mach] houd(en) alleen tot sine(n) behoef en(de) peerde alsoe/ veel als hy die bescheydelijck behoeve(n) sal It(em) als die vors(creven) winne/ va(n)d(en) hoef vaeren sal soe h sal hy alsoe voel voyers stroes en(de) hoys/ int voers(creven) hof laten dat men die beeste(n) daer mede gheruy(m)melick/ totter weyde(n) brenghe(n) mach Nochtan en sal hy ghee(n)re hande voed(er)/ vand(en) vors(creven) hoef vieren [vueren] en(de) al ander beesten sijnt hoere(n) beeste(n) scaep/ oft vien sal hy houde(n) ter halv(er) vuydinghe vand(en) voers(creven) abt Ende/ sond(er)linghe sal hy altoes houden ses ossen te minste(n) en(de) daer mede/ nieman coerweyde doen Oeck sal hy alle jaer houden en(de) op vuyen/ xii calvere(n) en(de) die leve(re)n eens jaers out en(de) alle(n) deese beesten sal/ hy weder setten tewete(n) die win alsoe voel mijn he(re) dabt en(de) die win/ sal houd(en) vijf vierdel scaep ten minste(n) en(de) daer toewe ene(n) v(er)stendighe(n)/ scheper die hem v(er)steet die te vorwaere(n) It(em) sal die vors(creven) win den/ p(er)soen van misselbroeck alle(n) jaer en sullen ii co cuye mette(n) sine(n)/ en(de) den vors(creven) goedshuysse ii meyrien met ii voele(n) of ander/ beeste(n) indie stede It(em) sal die voers(creven) win de gaste(n) die daer come(n)/ saele(n) ontfaen op sine(n) cost en(de) oeck den abt en(de) co(n)vent en(de) hoeren/ ghesinne en(de) peerde(n) hoy en(de) coere(n) gheve(n) als sij daer coeme(n) soelen/ En(de) ghevielt alsoe dat des vors(creven) goedshuys wage(n) daer quame(n)/ ocht v(er)nas v(er)nachte(n) soe sal die win den wage(n) cneeschte(n) den cost/ gheve(n) en(de) den peerden hoy en(de) coere(n) welc coere(n) men hem afcortte(n)/ sal en(de) weert dat saeke dat ons ghenedichs he(re)n honde va(n) brabant/ int hof quame(n) die sal die voers(creven) win oeck ontfaen op sine(n) cost Oec/ sal die vors(creven) win jaerlics houden onsen ghenedichge(n) he(re) va(n) brabant/ ene(n) hont It(em) ghevielt dat men uyt toeghe ten oerlighe mette(n)/ ghemeyne(n) lande soe sal die vors(creven) win sine(n) waghe(n) lene(n) met vier peerde(n)/ op sine(n) cost alsoe langhe als des te doen sal sijn It(em) weert saeke dat/ den vors(creven) winne scaede gheschie va(n) oerlighe oft van te(m)peeste(n) oft van/ des vors(creven) ghoedshuys weghe(n) En oft oec den vors(creven) goedshuys aen tvoers(creven)/ hof scade gheschie van des vors(creven) wi(n)ne(n) wege(n) des soele(n) die abt en(de) die/ win pleghen en(de) doen ghelijc andere(n) he(re)n en(de) wi(n)ne(n) bove(n) en(de) benede(n) doen/ uytghenome(n) vloet en(de) water daer af en sal die win gheen gulde noch/ afcortti(n)ghe hebbe(n) It(em) sal die vors(creven) win den vors(creven) goedshuys diene(n)/ met sine(n) waghene(n) ghelijc des selfs goedshuys andere wi(n)ne(n) doen/ Item die vors(creven) wi(n)ne sal houdwen enden doen alle coerweyde en(de) heercome(n)/ die men op tvoers(creven) hof tot heertoewe ghehoud(en) en(de) ghedaen heeft/ It(em) is voerworde dat alle die beeste(n) en(de) haef die die vors(creven) winne/ int vors(creven) hof hebbe(n) oft brenghen sal en(de) alle sijn andere(n) have
//
pant sijn ende blieve(n) soelen voer alle(n) poncte(n) en(de) vorw(er)den boven ende/ beneden tghescreve(n) It(em) sal die vors(creven) win alle die wi(n)ne(n)de lande/ den vors(creven) hoef toe behoeren legge(n) en(de) houden in drie laeghen/ deen laghe te wi(n)tercorne dander laghe te soem(er)core(n) en(de) die deerde/ laghe te braeke(n) Ende te sine(n) afscheyden dats te leste(n) jaer/ soe sal hy die winter laghe seyen met wi(n)ter corne en(de) die soemer/ laeghe die gheheyte(n) es tvet lant die sal hy den toecome(n)de win/ eens ghereyt leve(re)n om die vanden selve(n) win besayt te werden/ met soemer corne Het en waer dat die vors(creven) win een bonre/ off des ghelijcks soemer corns sayen woude En(de) tlant geheyten/ den hoend hof dien en sal hy mer half besayen op dat hem die/ toecome(n)de win metter ander helcht om des hem noet waer/ daer op te sayen mede beholpen mocht Ende alle(n) dees vors(creven) poentte(n)/ voerw(er)den en(de) condijssien heeft gheloeft die vors(creven) henric den vors(creven)/ abt inden naeme vanden vors(creven) goedshuys te doen talle(n) tiede(n) al sie/ valle(n) en(de) voerschien soelen en(de) telken t(er)mijn als v(er)volchde scout/ Hier af sijn v borghen des vors(creven) henricks als p(ri)ncipael sculderen/ onghesunder ende onghescheyden dieric steenberghs ar(noldus)/ steenberghs eius f(rate)r (et) henr(icus) bruyne(n) o(mn)es t(re)s de/ loemel joh(ann)es vande(n) ve(n)ne die diest [ac] petrus de cast(er)le/ de verle et p(ri)m(us) cor(am) oppend(orp)/ cor(am) opp(endorp) wittema(n)/ maii xii anno xiiii[c] xxxiiii[o]