Het sijn comen in recht voe(r) meye(r) ende scepen(en) van loeven inde banck ald(aer)/ willem boudens alse wittech man en(de) mombour aleyte(n) svos zijns wijfs in/ deen side en(de) willem van broechem en(de) jan weer die geleydt zijn tot/ den goeden [goeden] erfgenamen jans wilen de weer die tot e(n)nigen v/ ene(n) wittighen wive getruwt hadde agneze(n) wile(n) van outenaa/ daer de vors(creven) willem boudens aengesproken heeft een boend(er) lants/ gelege(n) inde p(ro)chie va(n) beckenvoert opt beemdt velt tussche(n) de goede/ arnts stessens en(de) willem boudens goede in dande(r) met alrehande/ waerheyde(n) die hi hem daer toe v(er)mat tot der welker w(aer)heyt/ hi thoende dat jan wile(n) van outenaa ii wittighe docht(er) hadde met/ name(n) m(ar)griet en(de) agneze en(de) dat m(ar)griet een van outena een wittigen/ man hadde gehete(n) willem svos de welke te gade(r) hadde een wittige/ docht(er) met namen aleyt de welke de voirs(creven) willem boudens getruwt
//
heeft en(de) noch levende is en(de) dede noch voert seggen de vors(creven) willem boudens/ dat de selv(er) m(ar)griete(n) in hae(re)n deylinghe viele van hae(re)n vad(er) en(de) moed(er) tvors(creven)/ boend(er) lants en(de) dat agneze hae(re) zust(er) hae(re) gedeelte daer jegen hadde/ oec bethoende de vors(creven) willem boudens dat de vors(creven) aleyt sijn wijf vanden/ vors(creven) goeden wittich oer en(de) erfgenamen wae(re) en(de) de naeste levende hae(r) van/ hae(re)n ouder vader van boven ned(er)comen(de) daer op dat de wed(er)p(ar)tije hen/ thoe(n)nisse van seke(re)n cope [seyde als] dat m(ar)griet vors(creven) jan wile(n) weer en(de) agneze/ van outenaa sijn wijf die goede jege(n) de(n) vors(creven) wille(m)me de vos gecocht/ soude(n) hebbe(n) van welken de getugen niet anders en droeghen dan/ van hoe(re)n segghe(n) alse dat de scepen(en) van loeven bi mae(n)nisse smeyers van/ loeve(n) wijsde(n) voe(r) een vonnisse dat de(n) vors(creven) wille(m)me boudens als mombour/ aleite(n) zijns wijfs de voirs(creven) goede volgen selen also v(er)re alst noch voe(r) de/ scepen(en) van loeven comen is cor(am) opp(endorp) [absoloen] lye(mingh)[en] witteman capelleman boen/ des sat(er)daeghs v daghe in decembr(i)
//