Want stoet en(de) tebat geport en(de) opv(er)staen wae(re)n tuschen h(e)r(e)n/ wout(ere)n leeman prieste(r) in deen zijde en(de) pete(re)n van nethen(en)/ in dande(r) spruytende en(de) oirspronc nemen(de) vander achter/ ster cameren ende eenen gestijpte [des voirs(creven) h(er) wout(er)s] staende jeghen den/ hof des voirs(creven) pet(er)s achter thuys des voirs(creven) h(er)wout(er)s gele/ gen inde nuwestrate tuschen de goede oliviers van/ der joffrouwen lyemynx en(de) des voirs(creven) pet(er)s van nethen(en)/ Van welken stoete de voirs(creven) p(ar)tijen hen keerden en(de) een/ drechtelic submitteerden in der stat voer scepen(en) van/

loven te weten wout(ere)n witteman en(de) arnde boen [scepen(en) van loven] in mee(ster)/ janne vander bruggen meester supplicio van vorst en(de)/ meester lodewijcke van hortbeke [d(er) stat geswoe(re)n werclude van lo(ven)] Gelovende de selve/ p(ar)tien voe(r) elc den ande(re)n voe(r) hen en(de) hue(re) erfgename(n)/ vast en(de) gestentich te houden so wes de voirs(creven) geswoe(re)n/ werclude tuschen hen vanden voirs(creven) stoete voe(r) hue(re) beste/ seggen en(de) uute(ne)n souden So sijn de voirs(creven) p(ar)tijen [werclude] opten/ dach van huden yerst elker p(ar)tijen bescheit merckelic/ aengehoert en(de) ghevisiteert comen voer scepen(en) van/ loven h(ier) na genoemt En(de) hebben hue(re) seggen en(de)/ goetduncken vanden voirs(creven) stoete gheuutent en(de) een/ drechtelic gep(ro)nu(n)cieert inder maten als h(ier) na volght/ Dats te weten dat de voirs(creven) h(er) wouter de voirs(creven)/ sijn achterste camere en(de) gestijpte te hemw(er)t inne trecken/ en(de) corten sall vanden erve des voirs(creven) pet(er)s also v(er)re dat/ tfondement vanden muere des voirscr(even) pet(er)s vry en(de) los/ op hem selven ligge Oec en sall de voirs(creven) h(er) wouter/ buyten den eynde van sinen ouden muere van sijnre acht(er)ster/ came(re)n tsente mychiels weert en(de) buyten der voirs(creven) joffr(ouwe)/ lyemynx muere staende t(er) dorpstraten weert ten erve/ weert des voirs(creven) pet(er)s egheenen osidrup hebben noch/ egheen recht Voert es hue(r) seggen dat de voirs(creven) h(er)/ wout(er) dat tgheen des voirs(creven) es ruymen sall op sinen cost/ en(de) wed(er) bevreden tuschen dit en(de) sent jans dach bap(tis)[ten]/ neestcomen(de) h(ier) wae(re)n over de voirs(creven) wouter witteman/ en(de) arnt boen scepen(en) van loven gegeven xiiii dage in/ aprille
//