Item want stoot en(de) geschille opverstaen en(de) geresen wae(re)n tusschen/ arnde brugmans sone henr(ix) brugmans en(de) ja(n)ne maegh als/ v(er)re als hem dat aengheet in deen side en(de) pete(re)n vrient ende/ janne vrient sine(n) sone nu absent zijnde in dande(re) van twistinge(n)/ en(de) gevecht die de vors(creven) arnt brugma(n) en(de) jan vrient/ und(er)linghe(n) tot hale(n) gehadt hebbe(n) en(de) oec van coste die d(aer) op/ beyde te hale(n) en(de) tot mechele(n) uut des(er) sake(n) spruytende gedaen/ sijn So sijn de vors(creven) partijen ter beden en(de) vervolghe der goeder/ stat van mechele(n) comen biden rade d(er) stat va(n) loeven en(de) hebbe(n)/ hen van dien stote en(de) van allen ande(re)n sake(n) die de vors(creven)/ p(ar)tijen deen de(n) ande(re)n eyssche(n) en(de) aenspreken moghen van wat/ sake(n) die rue(re)nde comen v(er)bonde(n) in segge(re)n en(de) vriendelike/ yffene(re)n te wete(n) de vors(creven) arnt brugman en(de) jan de maegh in/ janne ysewijn va(n) mechele(n) en(de) janne van ned(er)hem va(n) halen/ en(de) de vors(creven) pet(er) vrient en(de) voe(r) de(n) vors(creven) janne vrient sinen/ sone die(n) hi hier in geloeft heeft te vervaen in janne/ nauts en(de) janne van baesrode beyde van mechele(n) Op also dat/ de vors(creven) segge(re)n elker p(ar)tijen bescheyt yerst aengehoert hier af/ hae(re) seggen en(de) goetduncken segge(n) selen d tussche(n) dit en(de) drie/ weken naest comende op dat si des eens werden En(de) so waer/ si des niet eens en w(er)den so selen si dese saken brenghe(n)/ aen gheerde van hofstade co(m)moing(er)meest(er) va(n) mechelen als/ aen ene(n) ov(er)man d(er) sake(n) voirs(creven) die beyde de p(ar)tien d(aer) toe/ gecore(n) en(de) genome(n) hebben die hier af sijn segge(n) bynne(n)/ de(n) vors(creven) t(er)mijn oec segghen sal Gelovende beyde de vors(creven)/ p(ar)tijen vast en(de) gestedich te houde(n) so wes de vors(creven) segge(re)n/ of de ov(er)ma(n) d(aer) af segge(n) en(de) p(ro)nu(n)cie(re)n selen Behoudelic/ dien waert dat e(n)nig(er) p(ar)tijen e(n)nige(n) sek(er) gebrake dat hi in/ die stat ene(n) ande(re)n gelike(n) man sal mogen neme(n) Behoudelic oec/ dien of aende(n) he(re) yet gebroect is ind(er) dedinge(n) tot hale(n)/ dat een yegelic p(ar)tije d(aer) af sine(n) last sal dragen Alle(n)/ argelist uutgescheide(n) cor(am) lye(mingh)[en] cap(elle)[man] burg(i)mag(ist)ris/ et q(uam) plu(r)ib(us) aliis de consilio des dijsdaeghs op ons(er)/ vrouwen avont purificac(i)o/