SAL7728, Act: R°253.4-V°253.1 (239 of 374)
Search Act
previous | next
Act R°253.4-V°253.1  
Act
Date: 1435-02-11

Transcription

2020-02-11 by Frans Feyaerts
It(em) wouter van sompbeke sone willems wilen van sombeke die/
ov(er)mids vo(n)nisse van scepen(en) brieve(n) van loven(e) come(n) en(de) gegoet es voir/
meye(r) en(de) scepen(en) van loven(e) van jonck(er) janne van witham he(re) te/
bout(er)shem de welke jonck(er) jan ov(er)mids vo(n)nisse van scepen(en) brieve(n)/
van loven(e) beleidt was tot den goede(n) h(e)r(e)n jan arnts wilen he(re) van
//
wilen he(re) van ymersele ridders en(de) vrouwe lijsbette(n) wilen van/
kets sijnre medegesellynne(n) in seke(re)n goeden die wa(r)en des/
selfs wilen h(ere)n arnts en(de) vrouwe lijsbette(n) Es come(n) in jeg(enwoirdicheit) der/
scepen(en) van loven(e) en(de) heeft verhuert en(de) bekent dat hij/
verhuert heeft vrouwe katline(n) van sompbeke sijnre sust(er) wedewe/
des voirs(creven) wile(n) h(ere)n arnts de goede h(ier) nae bescreve(n) inden/
yerste(n) de helcht vande(n) hove en(de) goede(n) gehete(n) van ymersele/
met der helcht vande(n) dorpe en(de) heerlich(eit) van wo(m)melge(m) hoege/
en(de) nede(re)n met alle(n) en(de) yegewelke(n) hoe(re)n toebehoirte(n) It(em)/
tvierdel vande(n) bossche van steyl met d(er) helcht vanden/
tsijse d(aer) toe hoe(re)nde It(em) de helcht vande(n) goede(n) van brecht/
met d(er) helcht vande(n) tsijse thiende(n) rente(n) manscape(n) (et) allen/
ande(re)n hoe(re)n toebehoirte(n) gelijc die goede te brecht gelege(n) sijn/
It(em) de helcht vande(n) goeden van zundert met d(er) helcht vande(n)/
beemde(n) eeussele(n) aerden tsijse erfpacht (et) alle(n) ande(re)n hoe(re)n toebeh(oirten)/
gelijc de selve goede inde p(ro)chie van zund(er)t gelege(n) sijn It(em)/
thoff en(de) de [de helcht vande(n) hove en(de)] goede(n) gehete(n) van lyere met d(er) helcht vande(n)/
heerlich [thienden] manscape(n) tsijse en(de) heerlich(eit) d(aer) toe hoe(re)nde en(de)/
alle(n) ande(re)n hoe(re)n toebeh(oirten) It(em) de helcht van ene(n) stucke boschs/
met sijne(n) toebeh(oirten) gelege(n) te kessel neve(n) de goede claes/
go(m)maers gelijc en(de) also de voirs(creven) wile(n) h(er) arnt met der/
voirs(creven) wile(n) vrouwe lijsbette(n) sijnre gesellynne(n) de voirs(creven) geheel/
goede inde(n) voirs(creven) plaetse(n) te houde(n) plach voir een seker p ene(n)/
seke(re)n prijs d(aer)af de voirs(creven) wout(er) van sompbeke bekent heeft/
dat hem vander voirs(creven) vrouwe katline(n) sijnre zust(er) volcomelic/
genoegh geschiet es Promit(tens) war(andizare) (et)c(etera) cor(am) eisde(m)
ContributorsMi-Je Van Gils
Moderated byMi-Je Van Gils
Last update: 2016-02-09 by xavier delacourt