Cond zij allen lieden want ghijsbrecht taeye van eelwijt met meye(r)/ en(de) scepen(en) van loeven comen en(de) geleydt es tot allen den goeden h(e)r(e)n/ arnts wilen van craeyenhem ridders he(re) tot grobbendonck en(de) desgelijx/ tot allen den rechten actien en(de) aenspraken die de selve wilen h(e)r(e)n/ h(er) arnt tot e(n)nigen goeden hadde oft hebben mochte en(de) dien acht(er)/ volgende de voirs(creven) ghijsbrecht geinformeert was dat de voirs(creven) wile(n)/ h(er) arnt zeke(re) bewijndt hanteringe en(de) gebruyc gehadt soude hebbe(n)/ in een huys toebehoe(re)nde den goidshuyse van ons(er) liev(er) vrouwer throon/ gelegen ter nuwer moelen mids dat de voirs(creven) h(er) arnt met sinen/ p(ro)pren goeden dat op deerde en(de) gront des voirs(creven) goidshuys hadde/ doen maken en(de) dat de selve wilen h(er) arnt dat recht en(de) die aensprake/ ov(er)gegeven souden hebben die nae sijn doot he(re)n tot grobbendock sijn/ souden des de voirs(creven) [wilen] h(er) arnt nae den gemeynen lantrecht niet doen/ en mocht gemerct dat den bodo(m)me en(de) den gront dairt voirs(creven) huys/ op steet des voirs(creven) wilen h(e)r(e)n arnts niet en was en(de) dat oic de/ voirs(creven) ghijsbrecht tot des voirs(creven) wilen h(e)r(e)n arnts goeden nae den/ recht d(er) stat van loeven comen en(de) geleydt was eer tvoirs(creven) ov(er)geve(n)/ vanden gebruke en(de) hanteringen vanden voirs(creven) huyse van weerden/ en(de) machte sijn mocht Dair om eest dat de voirs(creven) ghijsbrecht taey/ dien tvoirs(creven) gebruyck vanden voirs(creven) huyse oft der voirs(creven) wilen h(er) arnt/ dair ynne e(n)nich recht hadde midts macht van sinen voirs(creven) beleyde/ toebehoirt en(de) niemant anders comen es voir scepen(en) van loeven/ en(de) heeft gekent en(de) gelijdt dat hij wittelic in tytle van gerecht(er)/ comanscap vercocht heeft den voirs(creven) goidhuyse van ons(er) liev(er) vrouwen/ throne tgebruyc en(de) de hanteringe vanden voirs(creven) huyse voir/ een seker so(m)me van ghelde dat a dair af dat de voirs(creven) ghijsbrecht/ openbairlic gekent heeft dat hem vanden voirs(creven) goidshuyse genoech/ geschiet es En(de) heeft tselve goidshuys d(aer) af openbairlic quijt/ geschouden En(de) dit aldus biden voirs(creven) ghijsbrech geschiet sijnde
//
es comen arnt brant soen jans brant he(re) tot asa te voe(re)n uut des/ selfs sijns vaders broede gedaen Gelovende voir hem sijn oer erfge/ namen en(de) nacomelingen dat hij jegen tgheen des voirscr(even) es ne(m)m(er)meer/ doen noch gaen s en sal in negheenre wijs mer sal allet tgheen/ des voirs(creven) is vast bequame gestentich en(de) van weerden houden tot/ eeuwigen dagen en(de) dair tegen ne(m)m(er)meer werken oft doen bij/ hem selven noch bij yemant anders met gheene(n) recht gheestlic/ noch weerlic en gheenre manieren hem en(de) alle sijn goede jegen/ woirdige en(de) toecomen(de) dair voe(r) met affect veroblige(re)nde en(de) ver/ bijndende eisd(em)/