It(em) na dien dat nu voe(r) meye(r) en(de) scepen(en) van loeven in recht come(n) zijn/ jan van cortenbach in deen side en(de) goert de lu in dande(re) daer de/ voirs(creven) jan de(n) vors(creven) goerde aensprack van rekeninghe van hem te hebbe(n) vande(n)/ goede(n) en(de) heerlicheyde(n) van helmont d(aer) af de selve goert also de vors(creven) jan/ meyndde rentmeest(er) geweest zoude zijn ten tide dat de jonck(er) wilen van/ monjoye zalig(er) gedenckenisse(n) tregiment vand(er) momborien vand(er) joffr(ouwen) van/ helmont hadde Seggende dat hi d(aer) af in gebreke wae(re) Dwelc hi/ groetste also lief te hebbe(n) als x[m] gulden crone(n) met mer woerden en(de)/ redene(n) die de vors(creven) jan noch daer toe dede segge(n) Op dwelc de/ vors(creven) goert sijn v(er)antw(er)den dede ond(er) den ande(re)n seggende dat hi de(n)/ vors(creven) janne gheen rekeninghe doen en soude noch sculdech en is te doen/ gemerct dat hi negheen rentmeest(er) geweest en hadde en(de) besund(er) en(de) specialic/ want de vors(creven) jan van cortenbach noch de joffr(ouwe) van helmo(n)t sijn wijf/ noch tot de(n) goede(n) en(de) heerlicheyde(n) van helmont niet come(n) en wae(re)n en(de)/ hen die na den rechte vand(er) stat van loeven niet toebehoirden met/ meer woerden die de selve goert in sijn v(er)antw(er)den vuerde en(de) dede/ seggen So hebbe(n) de scepen(en) van loeven ten eynde en(de) ten slote/ bi mae(n)nissen smeyers va(n) loeven gewijst voe(r) een vonnisse dat de/ voirs(creven) jan van cortenbach vand(er) vors(creven) zijnre aenspraken noch t(er)tijt/ te vruegh op wae(re) Cora(m) lombart borchove(n) abs(oloens) kersmake(re) boys/ voshem maii septima anno xxxv xxxv/