So hebben hen beyde de p(ar)tijen thoe(n)nisse en(de) waerheyde(n) v(er)m(e)te(n)/ sond(er) den vors(creven) wille(m)me de kempene(re) in sijnre aensprake(n) yet te rue(re)n/ of te v(er)mane(n) in e(n)nig(er)wijs van e(n)nigen scepen(en) brieve(n) van bruessel/ die op de vors(creven) goede spreken mochten Tot welken thoe(n)nisse hen/ die te he leyden beyde de p(ar)tijen opte(n) dach van heden voe(r) den/ meye(r) en(de) scepen(en) van loeven dach bescheiden waert dien sij in/ beyden siden haers goets maets aen namen op hede(n) voe(r) der noenen/ te mistide daer de vors(creven) willem de kempene(re) niet en qua(m) noch/ sijn thoe(n)nisse en dede hoe wael dat hi vand(er) vors(creven) sake(n) een aenlegg(er)/ was den vors(creven) alarde ald(aer) sijnde en(de) trecht se(er) scerspelic? v(er)sueken(de)/ en(de) opdoende dat de vors(creven) willem in sijnre aensprake(n) noch in sinen/ thoe(n)nisse vande(n) selve(n) saken negheen bruesselsche brieve en ruerde/ Hebben de scepen(en) van loeve(n) bi mae(n)nissen smeyers van loeven/ gewijst voe(r) een vonnisse dat so wae(r) de vors(creven) willem/ de kempene(re) voe(r) den opstaen des meyers en(de) d(er) scepen(en) van/ loeven niet en thoende d gelijc hi hem v(er)meten hadde also hi/ en dede dat dan de vors(creven) goede den vors(creven) alarde va(n) schy(m)mert/ en(de) sinen beleyde volghen selen also v(er)re alst noch voe(r) scepen(en)/ van loeve(n) come(n) is Cor(am) lomb(ar)t borch(oven) k(er)smake(re) vync boys/ voshem octobr(is) xxvi