It(em) es v(or)werde van desen brieve so waer de(n) vors(creven) henricke(n) d(en)/ keys(er) desen toecomende zomer volge(n) mach de twegedeelte vand(er)/ vrucht staende op xxii boende(r) lants half wynt(er)core(n) en(de) half/ zom(er)coren gelege(n) inde p(ro)chie van humelghem gelijc ynghel page/ die te wynnen helt vanden vors(creven) pete(re)n en(de) henricke(n) van ghind(er)bove(n)/ sinen oem Welc ii gedeelte de vors(creven) henr(ick) de keyser dit toecome(n)de/ jae(r) jege(n) de(n) vors(creven) pete(re)n gecocht heeft dat dan den selve(n) brief/ te nyeute sijn sal en(de) of hem die niet volge(n) mach dat hi dan/ mette(n) vors(creven) brieve w(er)ke(n) sal om de vors(creven) twege[de]elte(n) te gecrigen/ ter goed(er) meyninge(n) en(de) sond(er) argelist eisd(em)