It(em) henric vand(er) sluysen van gheele wout(er) vand(er) voert en(de) claes guedens/ beyde van verle in jegenwoerdich(eit) der scepen(en) van loeven gestaen hebben geloeft/ ongesund(er)t en(de) ongesceiden lodewijken van holaer briede(re)n en(de) henricken vanden/ bosche voirst(er) van loeven oft den enen brenge(re) des briefs hondert schilde der/ mu(n)ten des h(er)toghen van burg(oign)[en] en(de) van brabant te loeven gemu(n)t goet en(de)/ geve Dats te weten een derdel dair af opten xv[ten] dach in meye naestcomen(de)/ dand(er) derdel daer af opten xv[ten] dach der maent van september daer na volge(n)de/ en(de) dand(er) derdel daer af opten xv[ten] dach van januario dair na sond(er)/ myddel volgende te betalen en(de) te loeven in der stat wissel te leve(re)n telken/ t(er)mijne als vervolghde scout als vand(er) zoenen vand(er) doot wout(er)s wilen/ ouderogge die van live ter doot bracht waert bij jannese beckers pauwelse/ boen van verle en(de) wille(m)me moens soen claes moens van verle cor(am) borch(oven)/ kersmake(re) ja(nuarii) xv/