It(em) want stoet en(de) discoert opv(er)staen en(de) geport is tussche(n) lambrechte/ van diepenpoel die na de(n) recht d(er) stat va(n) loeve(n) geleydt is tot/ den goede(n) henrics van verle in deen side en(de) henricke(n) van ost in/ dande(re) van seke(re)n geluften die de vors(creven) henric van ost den vors(creven)/ henricke(n) van verle gedaen soude hebbe(n) van seke(re)n tsijse die ghevalle(n)/ is te kersmisse lest lede(n) vand(er) ca(m)men voirscr(even) So sijn de vors(creven) p(ar)tijen/ des comen voe(r) scepen(en) va(n) loeve(n) en(de) hebbe(n) hen vanden vors(creven) stote/ en(de) van allen ande(re)n sake(n) en(de) stucke(n) die die deen den ande(re)n/ eysschende mach sijn v(er)bonden en(de) gesubmitteert in segge(re)n en(de)/ vriendelike yffene(re)n Te weten de voirs(creven) lambrecht in henricke/ de v(er)me(re) en(de) janne vanden vekene vorspreke(n) en(de) de vors(creven)/ henr(ic) van ost in janne van udekem en(de) gheerde de molde(re)/ Op also dat de vors(creven) segge(re)n hae(re) segge(n) vande(n) vors(creven) stote segge(n)/ en(de) uutene(n) sele(n) tussche(n) dit en(de) dijsdach naist comende Gelovende/vast de selve p(ar)tijen vast en(de) gestentich te houde(n) so wes de vors(creven)/ segge(re)n d(aer) af eendrechtichlic segge(n) en(de) p(ro)nu(n)cie(re)n selen eisd(em)