Ite(m) want jan de weent die geleydt is tot den goeden augustijns/ ynghelrams nu onlanx jege(n) janne longhemoert voe(r) meye(r) en(de) scepen(en)/ van loeven int recht geweest zijn van twee gulden hellinghe tsijs/ gul(den) van florencien erfliker renten die de voirs(creven) jan longhemoert/ erflic heeft op seke(re) goede en(de) pande toebehorende janne ynghelrams/ tot duffle gelegen Daert vonnisse d(er) scepen(en) van loeven op die/ tijt wijsde waert also dat de(n) vors(creven) janne longhemoert e(n)nighen tsijs/ gebrake dat hi dien v(er)volghen mach ter plaetsen daer dat behoerde of/ in woerde(n) desen gelijc En(de) daer en teynden de selve jan longhemoert/ navolgende de(n) vors(creven) vonnisse sijn recht inde banck tot duffel vanden/ vors(creven) erfrente(n) gevolght heeft also dat hem de scepen(en) van duffel/ seke(re) vonnisse wijsde(n) mids den welken hi tot sine(n) pande bide(n) richte(re)/ aldaer gedaen en(de) geleydt is Also dat hi thout van sine(n) pande af/ gehouwen hadden d(aer) af de vors(creven) jan de weent seke(re) claghe voe(r)/ de(n) raet vand(er) stat va(n) loeve(n) dede Seggende en(de) te v(er)staen ghevende/ dat hi bove(n) de vonnisse d(er) scepen(en) van loeven voirs(creven) buten weghe/ van rechte geleydt waert en(de) v(er)suekende en(de) beghe(re)nde datmen de/ scepen(en) van duffel hier op inscriven woude dwelc also gedaen/ waert En(de) de scepen(en) van duffel op heden bide(n) rade vand(er) stat/ comen zijnde hebbe(n) openbaerlic en(de) eendrechtichlic gedraghen dat/ sij ten v(er)sueck des vors(creven) jans longhemoert gewijst hebbe(n) voe(r)/ een vonnisse datme(n) de(n) selve(n) janne longhemoert leyden soude tot/ sine(n) ond(er)pande na dat sijn wed(er)p(ar)tije hem de(n) vors(creven) tsijs kendden/ Seggende en(de) draghende voert de vors(creven) scepen(en) van duffel/ dat dat haerre banc recht wae(re) Daer om eest dat de raet vand(er)/ stat get(er)mineert heeft en(de) blijft biden vonnisse dat de scepen(en)/ van duffel gewijst heeft hebbe(n) Cora(m) lye(mingh)[en] capellema(n) in/ pleno co(n)silio maii xi anno xxxv/