It(em) want m(ar)griet weduwe jannes wilen rogs van meerhout come(n)/ is voir den rade d(er) stat van loeven thoenende en(de) opdoende hoe/ jannes wile(n) rogs hae(re) man voirscr(even) henricke(n) rogs hae(re)n sone in recht(er)/ trouwe(n) en(de) gelove dede goede(n) voe(r) meye(r) en(de) scepen(en) va(n) loeve(n) in alle sijn/ goede ond(er) de heerlicheyt en(de) banck des die heerscaps van diest/ tot meerhout gelege(n) En(de) dat dat also wae(r) is dat blijct wael/ In dien dat de vors(creven) wile(n) jannes rogs de brieve vand(er) vors(creven)/ goedinge(n) te hem w(er)t nam en(de) behielse bi hem alle sine daghe also/ langhe als hi daer na leefde en(de) so oec so dede oec de vors(creven) m(ar)griet/ na hem tot op nu onlanx dat de vors(creven) m(ar)griet stoet hadde met ene(n)/ lambrechte ty(m)m(er)mans die hae(re) wy(n)ne op die tijt was Om welken/ stoet te were(n) so leende de vors(creven) m(ar)griet den vors(creven) henricke(n)
//
hae(re)n sone de vors(creven) brieve en(de) hi seyde hae(re) geloeflic toe/ dat hi hae(r) de(n) vors(creven) stoet leden en(de) ned(er)geleeght sijnde/ ter stont wed(er) ov(er) geve(n) soude daer de vors(creven) henr(ic) cleyn bescheyt/ jege(n) seyde Anders dan hi naectelic v(er)socht datmen hem/ houde(n) woude int recht van sinen brieve(n) sond(er) e(n)nich redelic/ ocsuyn daer toe clede(n) En(de) want umm(er) claerlic blijct/ dat de vors(creven) henric aldus sijnre moed(er) van haerre tocht/ sinen swag(er) en(de) sine(n) wive des vors(creven) henrics zust(er) en(de) eenre/ and(e)re sijnre nichte(n) die sijnre do zust(er) docht(er) was van/ haerre erflicheyt te mael beroven soude Dat umm(er) den/ rade vand(er) stat mids de(n) redene(n) vors(creven) en(de) mids ande(re) on/ redelike en(de) horribel w(er)ke(n) die de vors(creven) henr(ic) aende(n) voirs(creven)/ wile(n) jannes sine(n) vad(er) en(de) m(ar)griete(n) zijnre moed(er) and(er)wile/ voert gekeert heeft gelijc de selve m(ar)griet dat in eenre/ cedule(n) de(n) raet vand(er) stat ov(er)gaf die de selve henr(ic)/ kendde also geschiet zijnde mer seyde en(de) gaf te v(er)staen/ dat hi d(aer) af mette(n) vors(creven) sine(n) vad(er) verenicht en(de) v(er)leke(n) wae(re)/ onredelic en(de) ongodlic docht wesen Daer om heeft/ de selve raet get(er)mineert voe(r) reden en(de) bescheyt dat/ de vors(creven) brieve vand(er) vors(creven) goedinge(n) comen en(de) bracht/ sele(n) w(er)de(n) ond(er) de stat van loeven om ald(aer) te bliven/ tot aen d(er)re tijt dat si vorde(re)n raet d(aer) op gehadt/ soude hebbe(n) En(de) dese(n) navolghende heeft de selve henric/ die ter stont den rade ov(er)gegeve(n) die(n) die voert/ stelde in hande(n) dierics vande(n) elzen haers secretar(is)/ Dit was gedaen xiii daghe in meye int jae(r)/ xiiii[c] en(de) xxxv/