SAL7728, Act: V°16.2 (3 of 374)
Search Act
previous | next
Act V°16.2  
Act
Date: 1434-07-07

Transcription

2019-06-15 by Frans Feyaerts
It(em) tvonnisse tussche(n) janne moerman in deen side en(de) janne le(m)mens/
na(tur)lic sone reyners wile(n) le(m)mens die na de(n) recht d(er) stat va(n) loeve(n)/
come(n) en(de) geleydt is tot de(n) goeden des selfs wile(n) reyners sijns/
vaders in dande(re) alse van seke(re)n so(m)men van ghelde daer in de/
vors(creven) jan le(m)mens gehouden soude sijn tot de(n) vors(creven) ja(n)ne moermans/
uut ene(n) seggen(e) dat bi den scepen(en) van merchter(en) uutgedragen/
en(de) geseeght is geweest tussche(n) de(n) vors(creven) janne moermans en(de)/
de(n) vors(creven) wilen reyne(re)n le(m)mens na dat hi van live ter doet/
comen was daer af de vors(creven) scepen(en) van merchte(re)n alse ov(er)ma(n)ne/
vanden voirs(creven) seggen hae(r) ocsuyn namen uut dien dat de selve/
jan le(m)mens den vors(creven) wile(n) reyne(re)n le(m)mens sinen vade(r) geloeft/
soude hebben in sine(n) doetbedde alle sijn witteghe schout te betale(n)/
(et)c(etera) Es dat alsulken aensprake als de vors(creven) jan moermans/
gedaen hadde tot de(r) vors(creven) janne le(m)mens den selve janne/
le(m)mens en(de) sine(n) beleyde gheen ontstade doen en sal cor(am) lombart/
borchove(n) kersmake(re) vynck julii sexta anno xxxiiii
ContributorsMi-Je Van Gils
Moderated byMi-Je Van Gils
Last update: 2016-02-04 by xavier delacourt