It(em) tvonnisse tusschen janne de weent die na de(n) recht d(er)/ stat van loeven geleydt is tot de(n) goede(n) augustijns ynghelrams/ in deen side en(de) janne longemoert in dande(re) alse van iii tsijs gulden(en)/ twee gulden hellinghe tsijs gul(den) van florense(n) jaerlik(er) erfrente(n)/ die de vors(creven) jan longemoert erflic eyscht en(de) meyndt te hebben/ op vijf dachmael lants [des vors(creven) augustijns] gelege(n) inde prochie van duffel daer/ voe(r) de vors(creven) jan [de] weent de(n) selve(n) janne longemoert tot loven/ voe(r) meye(r) en(de) scepen(en) aldaer int recht in hadde doen sc(ri)ven daer/ van beyd(en) side(n) aensprake en(de) v(er)antw(er)den gedaen worden es/ Eest dat de vors(creven) jan longemoert e(n)nige(n) erftsijse v(er)volge(n)/ wille dat hi dat doen mach ter plaetsen daer dat behoert/ cor(am) lomb(ar)t borch(oven) abs(oloens) kersmake(re) vynck boys voshem/ des donredaeghs vii daghe in m(er)te