It(em) na dien dat nu onlanx voe(r) den rade vand(er) stat qua(m) jan van/ tillr(ode) he(re) van opp(re)bais hen opdoende dat gerart van merbays/ hem uut macht van ene(n) vonnisse and(er)wile bide(n) scepen(en) va(n) loeve(n) gewijst/ tusschen de(n) vors(creven) gerarde en(de) janne van lymelet die tot des vors(creven)/ jans van tillr(ode) goede na de(n) recht d(er) stat va(n) loeve(n) geleydt es/ getoge(n) hadde en(de) recht v(er)volght van seke(re)n eyghene(n) goede(n) voe(r)/ deyghen genoten van genepien en(de) voert seggende dat de vors(creven)/ gerart hem d(aer) aen onrecht gedaen hadde Gemerct dat hi inden/ rechte(n) hof niet geraect en wae(re) na dien dat de vors(creven) eyghe(n) goede/ ald(aer) niet en hoefden mer hoefden en(de) behoerden tot den recht/ en(de) voe(r) die eyghe(n) genote(n) van ludick En(de) badt daer om de/ vors(creven) jan va(n) tillr(ode) datme(n) de(n) vors(creven) gerarde hier op inscriven/ woude want hi tgheen des voirs(creven) is wael bib(ri)nge(n) en(de) thoene(n)/ woude Also dat de stat va(n) loeven de(n) vors(creven) gerarde ter beg(er)ten en(de)/ ve(r)sueck des vors jans van tillr(ode) op ene(n) seke(re)n dach tot loeven/ dede inscrive(n) Tot welk(er) daghe beyde p(ar)tijen voirscr(even) tot loeven/ voe(r) de(n) rade vand(er) stat quame(n) Daer de vors(creven) ja(n) van tillr(ode)/ in p(rese)ncie(n) des selfs gerards tgheen des voe(r) geruert is int langhe/ en(de) met meer ande(re)n redene(n) en(de) woerden beyde met gescrifte en(de)/ and(er)s opdede daer op de vors(creven) gerart antwerde en(de) seyde dadt/ wae(re) waer dat hi hadde seke(re) brieve bezeghelt mette(n) seghele(n)/ des rentmeesters en(de) eyghen genoten va(n) genepien sprekende van/ seke(re)n renten en(de) dat hi na volgende den vonnisse d(er) scep(en)en va(n) loeven/ die de p(ar)tijen met hae(re)n vonnisse voe(r) gesett hadde(n) int hof/ daer de vors(creven) goede hoefden come(n) wae(re) voe(r) de(n) rentm(eeste)r en(de)/ eygengenoten voirscr(even) en(de) hadde daer van sine(n) vors(creven) renten/ d(aer) af hi in gebreke was trecht v(er)socht die hem trecht dede(n)/ en(de) seke(re) vo(n)nissen d(aer) op wijsden Welke eyghe(n)genoten om dat/ si hem volcome(n) execucie van recht bi he(n) selve(n) niet en wisten/ te doen toghe(n) metter saken bide he(re)n vanden rade ons gened(ichs)/ he(re)n des h(er)toge(n) van bourg(oign)[en] en(de) van brabant die hae(re)/ vonnisse d(aer) op gaven en(de) hadde(n) hem mette(n) vonnisse inde goede
//
gesett daer aen hijs hem hielt En(de) dat boet de selve gerart/ beyde met brieve(n) en(de) and(er)s wael te ond(er)wisen En(de) v(er)socht d(aer) o(m)me/ en(de) badt de selve gerart den rade vand(er) stat voirscr(even) dat si hem/ woude(n) laten blive(n) bi sinen gewijsde(n) vo(n)nisse en(de) in sine(n) goede die hem/ aldus mette(n) vonnisse aengewijst zijn Also dat na desen mids dat/ de raet vand(er) stat der saken op die tijt niet eens en waert de/ selve sake(n) uutsetten tot ene(n) ande(re)n daghe en(de) dat op die tijt gedaen/ so v(er)socht de vors(creven) jan want de saken uutgewijst zijn dat de goede/ stille stonden tot dat tgheen gepurgeert soude wesen des voe(r)gerueert/ es Dwelc de(n) vors(creven) gerardt also bevolen was den voirs(creven) dach wed(er)/ ov(er)leden sijnde qua(m) noch de vors(creven) jan van tillr(ode) en(de) dede om der saken wille/ voirs(creven) den voirs(creven) gerardt van marbays tot loeven wed(er) in scrive(n) opte(n)/ dach van heden daer hi comen es en(de) hen beyden aldaer comen/ wesende bracht de vors(creven) jan van tillr(ode) ene(n) brieff van ludick/ onder den ande(re)n begrijpende dat de eyghene goede voergeruert/ tot ludick te recht behoe(re)n [en(de)] elk(er) p(ar)tijen sijn recht v(er)nuwende En(de) nu/ dese saken aldus v(er)re v(er)handelt zijn es de stat v(er)draghe(n) want/ also is dat de vors(creven) gerardt meyndt dat hi inden rechten hoff/ sijn recht gevordert heeft daer dov(er)hoff ons genedichs he(re)n raet/ aff is en(de) de vors(creven) jan van tillr(ode) meyndt dat deyghen genoten/ van ludick de kennisse vanden voirs(creven) eyghenen goeden sculdech zijn/ te hebbe(n) des hen de raet niet onderweynden [en] mach na dat dat/ onsen genedige(n) he(re) aen sijn heerlicheyt en(de) der kerken van ludick/ aen hae(re) heerlicheyt gheet dat elc p(ar)tie hae(r) recht d(aer) aff vorde(re)n/ en(de) v(er)volgen mach daer hi weet dat hem van rechts weghen/ dat best diene(n) mach En(de) dat oec de voirs(creven) gerardt sine goede/ metten rechte v(er)volghen mach also hem dat van rechts wegen/ geboe(re)n sal want dat inder stat wech niet en steet Des Istud/ f(a)c(tu)m est in die iur(is) dica in pleno consilio a(n)no/ xxxiiii april(is) viii[a]/