Item want de edele jonck(er) jan hee(re) tot wesemale tot/ phalais en(de) slands van mechlen erfmarscalc van brab(ant) wair/ borge nae den rechte der stat van antwerpen en(de) nae uutwise(n)/ ene(n) vo(n)nisse aldair bleven is voir den edelen h(e)r(e)n ja(n)ne van kuyck/ he(re) tot hooghstraten aen de kijnde(re) claes wile(n) vand(er) elst/ aengaende en(de) tange(re)nde alsulke(n) co(m)me(re) en(de) last dair op die/ men namaels bevijnden mochte dat meer uut den dorpen/ goede(n) en(de) heerlicheide(n) van rikenvorssel ghingen dan dair/ op de he(re) van hooghst(ra)ten voirscr(even) de voirs(creven) goede den
//
voirscr(even) wilen claese vand(er) elst vercocht hadde [gelijc scepen(en) brieve van loeven(en) en(de) van antwerpe(n) vande(n) vors(creven) goede(n) gemaect beg(re)pe(n) en(de) inhoude(n)] Ende jan/ van oestvorst de jonge nae den rechte der stat van loeven(en)/ come(n) en(de) geleidt is tot allen den goeden have en(de) erve/ des voirs(creven) jonck(ere)n van wezemale Dair om eest dat/ de selve jan van oestvorst come(n) is voir scepen(en) van loven(en)/ ende heeft openbairlic quijtgescouden alsulken beleidt/ als hem gedaen is tot den goede(n) voir geruert Alsoe/ verre als dat letsel en(de) hijnder inbrenge(n) mochte den voirs(creven)/ vorwarden en(de) wairborghscap voir genoept cor(am) boys/ vosheem maii xvi/