It(em) na dien dat lodewijc wilen roelant en(de) henric vande(n) vekene/ van s(en)t aeghten rode na de heerlecheyt ons gened(ichs) he(re)n des h(er)togen/ van brabant en(de) na zijnre stat recht van loeve(n) comen en(de) geleydt/ wae(re)n tot biden levenden live des edele(n) en(de) moghenden jonck(er)/ willems he greve te zeyn he(re) van sent aeghten rode tot alle(n)/ den goeden lande dorpen en(de) heerlicheide(n) des selfs joncke(re)n/ van zeyne en(de) nu va(n) desen jae(re) van dese(n) leven gescheiden is/ joffr(ouwe) kath(er)ine(n) wile(n) van scoenvorst wile(n) wettighe huysvrouwe/ des vors(creven) wile(n) joncke(re)n van zeyne vrouwe der lande vorscr(even)
//
Also dat nu onlanx na haerre doet bid(er) stat va(n) loeve(n) come(n) zijn/ de hogeboe(re)n en(de) mogende jonck(er) engelbrecht greve tot nassouw (et)c(etera)/ inden name vanden edele(n) greve van zeyne die zijnre docht(er) heeft/ en(de) oec seke(re) vriende van weghen des edele(n) joffr(ouwe) scaffart scaffrits/c joncgreve te lyninge(n) die namaels wettich man en(de) mombour was/ der vors(creven) wile(n) joffr(ouwe) kath(er)ine(n) van scoenvorst Opdoende en seggende in beyde(n)/ siden hoe sij gericht wae(re)n tot de(n) lande(n) en(de) heerlicheyden voirscr(even)/ met alrehande redene(n) en(de) bescheide die si d(aer) toe seyde(n) en(de) dede(n)/ segghen En(de) baden d(aer) om en(de) v(er)sochte(n) d(er) stat van loeve(n) dat sij/ lodewijc roelants sone des voirs(creven) wile(n) lodewijcs roelants en(de) den/ voirs(creven) henricke(n) vande(n) vekene die uut macht vande(n) beleyde vors(creven)/ steken inde goede voirscr(even) also v(er)re ond(er)wisen en(de) berichten woude(n)/ dat si de vors(creven) goede met alle(n) hae(re)n toebehoirten houden woude(n)/ in hae(re)n handen tot aen d(er)re tijt dat de p(ar)tijen die hen rechts/ tot de(n) vors(creven) goeden v(er)metende zijn mett(er) my(n)nen oft metten rechte/ v(er)enicht en(de) gesleten selen zijn Na den welken de vors(creven) lodewijc en(de)/ henric bider stat va(n) loeven ontboden worden die(n) ald(aer) opgedaen w(er)t/ de bede en(de) tversueck voirscr(even) en(de) oec alrehande toeseggen dat de/ vors(creven) lodewijc en(de) henric van des [den] joncker va(n) nassouw op de bede/ en(de) v(er)sueck voirscr(even) toegeseeght souden hebbe(n) Daer op si alrehande/ redene antw(er)den genoech dade toesegge(n) ...? en(de) hae(re) ontschout/doende [deden] dat sij noch [niet toegeseeght en hebbe(n)] d(aer) sij jege(n) niet gedaen en hebbe(n) Ende want/ h(er) coenraet van scoenvorst he(re) tot elsloe om d(er) vors(creven) lande ende/ heerlicheyde(n) wille groet v(er)volgh dede om ald(aer) gehuldt te w(er)den/ en(de) die inne te nemen en(de) noch meer ande(re) Te wete(n) daneel/ vande(n) waerde en(de) m(ijn) vrouwe dabdisse va(n) nyvele en(de) noch/ ande(re)n aen de vors(creven) lande en(de) heerlicheyde(n) gherichte meyndde(n)/ te sijn en(de) d(aer) om oec dagelix groet v(er)volgh deden en(de) de stat/ va(n) loeve(n) nyemande in sinen rechte vorde(re)n noch hijnde(re)n en wilt/ mer wille ene(n) yegelike(n) laten volgen des hem van gods en(de) va(n)/ rechts wege(n) toebehoert Daer om eest dat de vors(creven) stat/ van loeven get(er)mineert en(de) uutgesproke(n) heeft dat de vors(creven)/ lodewijc en(de) henrick vande(n) vekene alle de lande dorpen
//
en(de) heerlicheyde(n) met alle de(n) renten tsijse pachten v(er)valle(n) en(de)/ opcomi(n)ghen en(de) met anders allen hae(re)n toebehoirte(n) mette(n) vors(creven)/ beleyde behouden sellen in hae(re)n landen en(de) machte tot aen d(er)re/ tijt dat de p(ar)tijen voe(r)gheruert mett(er) my(n)nen oft mette(n) rechte/ geslete(n) en(de) v(er)enicht selen zijn En(de) [tot dat] die schout dieme(n) sculdech is betaelt/ sal zijn sond(er) e(n)nich vande(n) p(ar)tijen mette(n) vors(creven) beleyde te vorde(re)n/ of te achte(re)n En(de) dat de vors(creven) lodewijc en(de) henric vande(n) vors(creven)/ goede(n) mine(n) genedige(n) [he(re)] doen des si daer af sculdech sijn te doen/ Istud conclusum e(st) in pleno consilio anno xxxv maii xxii/