It(em) henric van bruessele lijne(n)weve(r) in jegenwordicheyt der/ scepen(en) van loeve(n) gestaen heeft geloeft op sijn lijf en(de) op sijn/ goet en(de) op zoenbreke en(de) peysbreke te sijn dat hi om/ negheenre saken wille die hi uutstaende mach hebbe(n) met/ meest(er) matheeuse everwijn [canonic] van rijssele en(de) van mechelen (et)c(etera)/ den selve(n) meest(er) matheeuse nu(m)mermeer hatye vede/ wangonst noch viantscap doen noch draghe(n) en sal/ noch hem daghen noch noch moeyen buten lants noch/ te camp eyssche(n) in negheenre manie(re)n (et)c(etera) in meliori for[m(a)]/ Bekennende en(de) v(er)lyende de vors(creven) henr(ic) va(n) bruessel/ so wae(r) hi daer jege(n) dade bi hem selve(n) of bi / yemant anders dat hi dan sijn sal zoenbreke en(de) peysbreke/ en(de) sijn lijf en(de) sijn goet verboert sal hebbe(n) ond(er) alle h(ere)n/ en(de) gerichte daer hi ond(er) vonden sal werden Behoudelic/ dien heeft de vors(creven) meest(er)mathe henr(ic) van bruessele/ de(n) vors(creven) meest(er) matheeuse va(n) e(n)nige(n) sake(n) yet te / eyssche(n) oft aen te spreken dat hi dat doen mach/ mette(n) recht (et)c(etera) k(er)smake(re) voshem dec(embris) xxiiii