Van alsulken gedinge dat op den dach van heden geweest is/ voir meye(r) en(de) scepen(en) van loeven tuschen salomoen van bolle(n)borne/ cleed(er)snijde(r) als momboir katline(n) sijns wijfs dochter gorts wilen/ smeets in deen zijde en(de) woute(re)n van velthem als momboir iveten/ sijns wijfs docht(er) des voirs(creven) wilen goerts die de voirs(creven) wilen/ goert hadde van enen voirbedde in dande(re) Van ene(n) huyse en(de)/ hove met sijnre toebehoirten gelege(n) inde borschstrate tuschen/inde goede jans van binckem in deen zijde en(de) katline(n) beerners/ in dande(re) dair af de voirs(creven) wout(er) hem vermeten hadde te thoone(n)/ dat die voirs(creven) wilen goert sijn zweer tvoirs(creven) huys besadt als/ sijn p(ro)per erve bij yden wilen sinen yersten wive moed(er) der/ voirs(creven) iveten en(de) dat de voirs(creven) yde dair uut voir sterf als/ uut hue(re)n p(ro)pren erve en(de) dat de voirs(creven) wilen goert hue(r) man/ dair in bleef sittende als een tochte(r)sse Seggen(de) midts dien/ de selve wouter so waer hij dat gethoene(n) conste dat hem/ de voirs(creven) goede als momboir sijns wijfs volgen selen van/ welken thonis de voirs(creven) wout(er) temael sneefden en(de) des/ niet en volquam (et)c(etera) Is tvonnis dat alsulken aensp(ra)ke/ als de voirs(creven) wout(er) gedaen heeft dat die den voirs(creven) salomon/ aen sijn goede voirscr(even) gheen onstade doen en sal also v(er)re/ alst noch voe(r) scepen(en) van loeve(n) comen is cor(am) lomb(ar)t abs(oloens)/ kersmake(re) vynck boys voshem m(ar)tii xvii