It(em) want and(er)wile biden rade vand(er) stat uut aenbrenghen/ van ene(n) reyne(re)n van galmale die na den recht d(er) stat van/ loeven geleydt was tot den goeden gielijs boems als mom/ bour en(de) wettich man beat(ri)sen van kaelmont en(de) aleyten/ van kaelmont haere zust(er) mids dat hi openbaerlic te v(er)stae(n)/ gaf dat tybaut de vos en(de) jan desele(re) meye(r) va(n) grymb(er)ghen/ en(de) henricus de cup(er)e clerck d(er) scepen(en) van va(n) grymb(er)ghe(n)/ ene(n) brief vander stat va(n) loeve(n) gescreve(n) ond(er) hen hielden/ sond(er) executie vande(n) selve(n) brieve de(n) p(ar)tijen te doen of dien te/ late(n) wete(n) uut den welken de vors(creven) gielijs boem ende/ aleyt va(n) kaelmont hae(re) goede dair om tgedinghe/ op die tijt was v(er)loe(re)n hadde(n) en(de) d(aer) af v(er)reyct wae(re)n/ ghet(er)mineert en(de) voe(r) reden(en) en(de) recht uutgesproke(n) waert/ dat de voirs(creven) tybaut en(de) jan desele(re) en(de) oec henricus/ cup(er)e den vors(creven) gielise en(de) aleite(n) cuelen souden vande(n) goeden/ die hen als voirs(creven) is afgewonnen wae(re)n en(de) ind(er) selv(er)/ t(er)minacien geres(er)veert en(de) behouden w(er)t op die tijt So/ waermen namaels bevonde ter wettig(er) w(ar)heyt en(de) ter/ goed(er) meyninghe dat de vors(creven) goede d(er) selv(er) aleyte(n)/ en(de) beat(ri)sen haerre zust(er) van geboirte(n) en(de) rechts wege(n)/ niet toe[en]behoirden dat dat de(n) vors(creven) tybaude en(de) jan/ desele(re)n en(de) henricu(s) cup(er)e aende vors(creven) t(er)minacie te staden/ comen sal En(de) nu openbaerlic bi goeder konden d(er)/ stat van mechele(n) en(de) ande(re) bevonden is dat de vors(creven) goede/ den voirs(creven) gesuste(re)n niet toe en behoerden noch van rechts
//
weghen toecomen en mochten mids dat hae(re) vader bastart was/ van welker siden hen de vors(creven) goede toegecomen souden hebbe(n)/ Daer om eest dat de raet vander stat van loeven aensiende en(de)/ voe(r) oghen nemende de t(er)minacie voergheruert en(de) tgheen des/ si d(aer) op van goed(er) conden v(er)nomen hebben dat alle tgheen des/ de vors(creven) tybaut de vos jan desele(re) en(de) henricus de cupe(re) om/ der vorster t(er)minacien wille den vors(creven) gielise boeme sinen wive/ en(de) aleite(n) va(n) kaelmont gedaen mogen hebbe(n) te nyeute en(de) of/ dat niet geschiet en wae(re) sijn sal En(de) oft e(n)nige brieve en(de)/ vesticheyt hen d(aer) af begrepen en(de) gemaect wae(re) dat die van/ negheenre werden sijn en sele(n) En(de) datmen hen die niet ov(er)geve(n)/ noch telivere(re)n en sal En(de) des gelijx sal hadde(n) de vors(creven) tybaut/ jan en(de) henricus e(n)nige gerede pe(n)ninghe hier om uutgegeven/ of betaelt hadde(n) dat si dien wed(er) hebbe(n) selen ter goed(er) meyni(n)gen/ en(de) sond(er) argelist en(de) dat de stat van loeven hen alle behulp/ daer toe doen sal Cora(m) lye(mingh)[en] capelleman burg(i)mag(ist)ris/ lomb(ar)t borch(oven) k(er)smake(re) scabinis (et) q(uam) plu(r)ibus aliis de consilio/ opidi lov(aniensis) anno xiiii[c] xxxiiii martii xxiii/