Cond zij allen lieden dat lambrecht vanden bruele van ov(er)wynde/ sone lambrechts wilen vande(n) bruele es come(n) in jegewoirdicheide(n)/ der scepen(en) van loeven(en) ende heeft genome(n) en(de) bekent dat hij ge/ nome(n) heeft vande(n) eerwerdige(n) he(re)n deken en(de) cap(it)le der kerken van/ sente denijs van ludeke thof der voirs(creven) cap(it)len met sijne(n) toebeh(oirten)/ alsoet beh gelege(n) es te overwynde en(de) met lxiiii(½) boende(re)n
//
lands gelegen aldair te houden te hebben ende te wynne(n) van opde(n)/ veerthiende(n) dach d(er) maent van junio als men scrive(n) sal dusent/ vierhondert en(de) neghen(en)dertich ene(n) t(er)mijn van b twelf jae(re)n langc/ deen nae dander dair nae staphans volge(n)de elx jairs dae(re)n bynne(n)/ te wete(n) elc boender vande(n) voirs(creven) lande om vierdalf mudde spelte(n)/ goet en(de) payabel der mate(n) van ludeke te sente andries misse apos/ tels te betale(n) en(de) te ludeke op den graynier d(er) voirs(creven) he(re)n van sente/ denijs oft bynne(n) brabant dairt den selve(n) he(re)n gelieve(n) sal op cost en(de)/ expense des voirs(creven) lambrechts te leve(re)n alle jae(re) den voirs(creven) t(er)mijn due(re)nde/ en(de) telke(n) t(er)mine als vervolghde schout Item es te wete(n) dat de voirs(creven)/ lambrecht ingaen sal te sine(n) eersten jae(re) ter braken en(de) ten naeste(n)/ jae(re) ter volgende sal hij ingaen te som(er)lande en(de) te wynt(er)lande dair/ nae allen argelist uutgesloete(n) It(em) wairt dat de voirs(creven) lambrecht/ in gebreke wae(re) van betalinge(n) vande(n) voirs(creven) coerne te sente andries/ misse telken jae(re) soe sal hij ombegrepe(n) sijn dair af tot paessche(n) telken/ jae(re) nae sente andries dach Item es vorwairde dat de voirs(creven) he(re)n den/ voirs(creven) lambrechte jairlex beyde(n) selen op dat hij wilt dertich mudde/ spelten tot den yerste(n) t(er)mine naest volgende Item es vorwarde/ dat de voirs(creven) lambrecht dcoe(re)n come(n)de vande(n) voirs(creven) lande sal eest dat/ hij dach heeft van betale(n) tot paesschen nerghens elde(re) beke(re)n en/ sal dan in orbe(re) der voirs(creven) he(re)n Item sal de voirs(creven) lambrecht de voirg(enoemde)/ lande eens m(er)ghele(n) bynne(n) den voirs(creven) t(er)mine en(de) wynne(n) gelijc/ reengenoote(n) en(de) meste(n) wel en(de) loflic gelijcme(n) bove(n) en(de) beneden doen/ sal Ende hij en sal inden lesten jae(re) gheen lant moege(n) hoirvruchte(n)/ Item sal de voirs(creven) lambrecht sculdich sijn te houden de wony(n)ge shoofs/ der he(re)n voirs(creven) w van wande en(de) van dake Ende dambacht vander/ meyerien voirs(creven) vanden voirs(creven) dorpe den voirs(creven) he(re)n toebehoe(re)nde rege(re)n/ houde(n) en(de) doen houde(n) sonder gebreck den voirs(creven) tijt due(re)nde Ite(m) sal de/ voirs(creven) wynne de capuyne en(de) hoende(re) omtrent derthiene sesse zest(er)/ evene(n) leeusche mate en(de) broeke(n) vande(n) ghene(n) die broeckechtich/ sijn selen hoe(re)n tsijs oft d(er) he(re)n schout te betale(n) ontfaen neme(n) ende/ ophoude(n) en(de) dair af en selen de voirs(creven) he(re)n y nyema(n)de moegen/ quijtscelden sonder consent vande(n) voirs(creven) lambrechte uutgenomen/ alleene gheesteleke(n) p(er)sone(n) Ite(m) sal de voirs(creven) lambrecht gheve(n) en(de)/ betalen alle jae(re) den voirs(creven) he(re)n nae hoe(re)n staet en(de) den scepen(en) van/ ov(er)wynde in sente lambrechts dage te wete(n) die dan dair jegewoirdich
//
sijn selen di drie dage langc due(re)nde hoe(re)n cost voe(r) hen en(de)/ voir hoe(r) p(er)de uutgescheide(n) van wyne It(em) heeft noch bekent/ de voirs(creven) lambrecht dat hij genome(n) heeft jege(n) de vande(n)/ voirs(creven) he(re)n deke(n) en(de) cap(it)le van sente denijs de helcht vande(n)/ thiende(n) groet en(de) cleyne der voirs(creven) cap(it)len gelege(n) tov(er)wynde/ voirs(creven) Te houde(n) en(de) te hebbe(n) vande(n) voirs(creven) xiiii[ste(n) dage] d(er) maent/ van junio dat sijn sal int jair xiiii[c] xxxix voirscr(even) enen/ t(er)mijn van twelf jae(re)n langc d(aer) nae sond(er) middel eemp(er)lic/ volgende Elx jaers dae(re)n bynne(n) voe(r) veertich mudde/ spelten goet en(de) payabel d(er) mate(n) van ludeke voirs(creven) te sente/ andries misse apostels te betalen en(de) te ludeke opden grey/ nier d(er) voirs(creven) he(re)n te leve(re)n oft bynne(n) brab(ant) dairt den selve(n)/ he(re)n gelieve(n) sal op cost des selfs lambrechts te leve(re)n alle/jai jae(re) den voirs(creven) t(er)mijn due(re)nde en(de) telke(n) t(er)mine als vervolghde/ schout Ende gevielt alsoe dat de voirs(creven) lambrecht scade/ hadde of lede inde voirs(creven) pachtinge van tempeeste van gemey/ ne(n) oirloge oft van brande soe heeft gelooft h(er) henric/ splinter uuten broeke canonck d(er) voirs(creven) kerken van s(en)te denijs/ als p(ro)cureerd(er) d(er) voirs(creven) cap(it)len inde(n) name en(de) vand(er) selv(er) cap(it)len/ wegen den voirs(creven) lambr(echten) d(aer) af rastoir te doen op dat hijt/ den voirs(creven) he(re)n in goed(er) tijt laet wete(n) gelijc ande(re) he(re)n en(de)/ p(re)late hoe(re)n pechtene(re)n ald(aer) bove(n) en(de) benede(n) doen selen Ende/ wairt dat lambrecht voirs(creven) om oirloeghs wille of o(m)me/ geboeds wille d(er) voirs(creven) he(re)n sijn coe(re)n dersschen moesste voe(r)/ sente andries misse en(de) dair om scade lede om [aen] sijn voeder dat/ dat te crancker wae(re) of dat sine(n) cost van dersschen meerd(er)/ wae(re) alsulke(n) schade selen de voirs(creven) he(re)n hem oprichte(n) ter/ goeder liede texacien die hen dair op verstaen Ende alle/ dese vorw(er)den voirscr(even) heeft geloeft de voirs(creven) lambrecht/ den voirs(creven) he(re)n van sente denijs wel en(de) wittelic te houde(n)/ en(de) voldoen talle(n) tide(n) en(de) t(er)mine(n) als sij valle(n) en(de) verscine(n)/ selen en(de) telken t(er)mine als vervolghde schout/ lombart boys martii deci(m)aoctava/