Cond sij allen lieden dat want jacob uuten lyemynge(n) mette(n) meye(r) en(de)/ scepen(en) van loeven(en) van heerheide(n) come(n) en(de) geleidt was totte(n) goede(n) gescr(even)/ inden scepen(en) brieve(n) van loven(en) dair aen desen brief gehange(n) en(de) gean/ nexeert is voir de scout inde(n) selve(n) scepen(en) brieve(n) gescreve(n) en(de) genoemt/ De meye(r) van loven(en) maende de scepen(en) van loeven(en) hoe en(de) in wat/ manie(re)n de voirs(creven) h(er) jacob hem voirt met de(n) voirs(creven) goede(n) behelpe(n) soude/ moege(n) om dair aen sijn scout voirs(creven) scout te vervolge(n) en(de) te verreyken/ Welke scepen(en) van loven(en) dair op gemaent sijnde yerst ripe(re) raet d(aer) op/ gehadt wijsden en(de) uutgave(n) voir een vo(n)nisse dat de voirs(creven) jacob de/ voirs(creven) goede ten hoeghste(n) brenge(n) en(de) vercope(n) soude en(de) also sijn voirs(creven)/ scout dair aen heffen en(de) boe(re)n en(de) die vercocht sijnde dat hij dan de/ selve goede den meye(r) van loeven(en) p(rese)nte(re)n soude te hebbe(n) om den selve(n)/ prijs en(de) coope dat hij die vercocht hadde tot behoef ons genedichs/ he(re)n des h(er)toge(n) van brab(ant) Voirt wijsden de voirs(creven) scepen(en) van lov(en)/ dat de voirs(creven) onse genedige hee(re) den coper vande(n) voirs(creven) goede(n) recht/ warant sijn soude tot ter so(m)men toe vand(er) schout voirscr(even) Dit aldus/ gedaen de voirs(creven) meyer van loven(en) schout quijt openbairlic sijn naer/ derscap die hi hadde aende voirs(creven) goede de(n) voirs(creven) jacoppe(n) orlove(n)de en(de) con/ sente(re)nde dat hij sijn p(ro)fijt en(de) orber met den voirs(creven) goede(n) doen mocht/ Ende dit aldus met de(n) rechte gedaen de voirs(creven) jacob droegh op de/ voirs(creven) goede inde(n) hande(n) des meyers van loven(en) dair bij van heerheide(n)/ van wege(n) des h(er)toge(n) van brabant voirs(creven) staende mette(n) halme d(aer) op/ wittelic vertijende Ende als de voirs(creven) jacob met de(n) rechte dair uut gedaen/ en(de) te mael afgewijst was so wart dair in gegoedt en(de) mette(n) recht/ geerft jannes vande(n) hove inde(n) name en(de) tot behoef jonck(er) jans he(re)/ tot wezemale te phalais en(de) des lands van mechle(n) etc(etera) bij manisse/ en(de) orlove des meyers van lov(en) en(de) wijsdo(m)me en(de) vo(n)nisse d(er) scepen(en) van lov(en) hier/ ond(er) genoemt die goede in tytle va(n) wittige(n) cope te he behoude(n) der he(re)n rechte/ vanden gronde dair in altijt behouden Behoudelic oec dien en(de)/Behoudelic oec dien en(de) in des(er) goedingen gevorwart dat h(er) jan van kuyc/ he(re) van hooghstrate(n) sijn vry tocht en(de) gebruyc sijn leefdage langc en(de)/ niet lang(er) hebbe(n) en(de) behoude(n) sal vande(n) voirs(creven) goede(n) inde goede h(ier) na ge/ specificeert inde(n) yerste(n) in alle de tsijse rente(n) moelen(en) en(de) manscape(n) vande(n)/ goede(n) van brecht en(de) van zund(er)t Ende desgelijx inde goede geheete(n) de/ most met de(n) heylande dat dair aen begrave(n) es It(em) inde goede die/ toetebehoe(re)n plage(n) der mole(n) van meersel [van welken goeden de voirs(creven) herjan van kuyck sijn leefdage lanc den co(m)mer en(de) last daer uut gaende jaerlix betale(n) sal] op alsoe dat de selve h(er) jan/ van kuyc gheen tocht hebbe(n) noch behoude(n) en sal inde heerlich(eit) van brecht/ en(de) van zund(er)t Noch oec inde ii[c] boend(er) heyde(n) en(de) xii boende(re)n moers inde(n) lande(n)/ van hooghst(ra)ta gelege(n) noch oec inde voirs(creven) c en(de) xi crone(n) erflek(er) rente(n) op
//
de lande en(de) heerlicheit van herssele die de voirs(creven) jonck(er) jan he(re) tot wezemale/[nae inhebbe(n) van sijnre voirs(creven) goedinge(n) ter stont hebbe(n) gebruke(n) en(de) behoude(n) sal] in deser goedinge(n) clairlic uutgesceiden seker goede gehete(n) de heze ende/ de boensche heze onder wortel oft [ond(er)] vorssel gelegen/