Van welken weghe uut vervolghe van p(ar)tien getermineert es bijde(n)/ raide vand(er) stat van loven(e) voir aengehoirt alrehande bescheit/ thonisse ende brieve die de p(ar)tien dair op begheerde(n) verhoirt/ te hebben dat de goede liede vande(n) weghe voir geruert/ blive(n) selen in hoe(r) possessien en(de) int gebruyc vande(n) selve(n)/ weghe tot aen derre tijt dat sij dair aff uutgewo(n)nen/ selen sijn ter plaetsen dair dat behoe(re)n sal Voirt es get(er)mineert/ als voer vande(n) voirs(creven) weghe die nu te mael quaet is dat de/ meyer van bierbeke van sijns heerscaps wegen sal doen gebiede(n)/ den partyen dat sij den voirs(creven) wech bynne(n) ene(n) seke(re)n t(er)mine/ wel en(de) lofflic doen maken also behoe(re)n sal op alsulke(re)n kuer/ als dair op steet Ende eest dan dat yema(n)de vande(n) p(ar)tien dunke(n)/ en(de) meyne(n) sal dat hij inder rep(ar)acien vande(n) voirs(creven) wege niet/ gehouden en es mids dat hij meyne(n) mocht dat neghene(n)/ wech aldair sculdich en wae(re) te gaen dat die dair aff sijn/ recht sal moegen versueken ter plaetsen dair dat behoirt/ cora(m) kersmake(re) voshem burgim(a)g(ist)ris et pl(ur)ib(us) aliis de consilio/ anno xxxv febr(uarii) xxiii