Vanden goidshuyse van sevenborne(n)/ in zoenien/ Het sijn comen in rechte voir meyer en(de) scepen(en) van loven(e) inde banck/ aldair brueder gielijs van dyepenborne brueder gielijs van hoese/ canoncke(n) regulie(re)n brueder arnt vande(n) broeke convers sgoidshuys/ van sevenborne(n) in zoenien ende brueder jacob vanden broeke convers/ sgoidshuys van bethleem alse procureerders en(de) mechtich gemaect/ vanden voirs(creven) goidshuyse van seve(n)borne(n) in deen zijde ende mychiel/ absoloen ende jasper absoloen die nae den rechte der stat van loven(e)/ beleidt sijn tot den goede(n) he(re)n coenraets van elsloe ridders (et)c(etera) in dande(re)/ / alse van l rijnscen gul(den) erfleken rente(n) die tvoirs(creven) goidshuys/ van sevenborne erflic heeft en(de) eysscht te hebben op te/ goede van sent aeghte(n) rode met allen hoe(re)n toebehoirte(n)/ gelijc hoir scepen(en) brieve van loven(e) die sij d(aer)af dede(n) lesen/ inden rechte volcomelic begrepe(n) Dair de voirs(creven) mychiel en(de)/ jaspar een aensprake dede(n) ten voirs(creven) goidshuyse wairt meyne(n)de/ dat sij die rente van rechte aen die goede niet sculdich/ en wae(re)n te hebben en(de) dat jonck(er) wille(m) wile(n) greve van/ zeyne en(de) joffr(ouwe) katline van schoonvorst de voirs(creven) goede niet/ mechtich en wae(re)n te beco(m)me(re)n ter tijt dat sij den brief/ bekenden dair uut tvoirs(creven) goidshuys gegoet es nae inhoude(n)/ der huwelek(er) vorwairde(n) geschiet tusscen den voirs(creven) wile(n) jonck(er)/ wille(m) en(de) joffr(ouwe) katline met vele woirde(n) thoenisse(n) en(de) alliga/ cien die sij dair toe dede(n) seggen Op dwelcke de voirs(creven) iiii/ p(er)sone inde(n) name vande(n) voirs(creven) goidshuyse van sevenbornen/ antwerdende deden deden seggen want van desen goede(n) voirg(eruert)/ stoet wae(re) tusscen den edelen en(de) moegende(n) jonck(er) engelbrecht/ greve te nassouw (et)c(etera) inde(n) name en(de) van wege(n) baude(n) edelen/ greve van zeyne die sijnre dochter heeft in deen zijde ende/ den voirs(creven) he(re)n coenraet in dande(re) ende oec want lodewijc wile(n)/ roelant en(de) henric vande(n) veken doen den voirs(creven) co(m)mer opte/ voirs(creven) goede gedaen wairt tot den selve(n) goede(n) wed(er) quame(n)/ en(de) dair inne staken met scepen(en) brieve(n) van loven(e) en(de) om/ meer reden(en) en(de) stoots wille die sij alligeerde(n) en(de) op deden doen/ dat sij op de voirs(creven) aensprake niet voirder antwerden en souden/ ten wae(re) dat de voirs(creven) mychiel en(de) jasper hen also sterck maec/ ten dat sij met ene(n) gedinge gestaen mochten Op dwelc/ de scepen(en) van loven(e) gemaent worde(n) vande(n) meye(r) die wijsde(n)/ voir een vo(n)nisse dat de voirs(creven) mychiel en(de) jasp(er) hen alsoe sterck/ maken souden dat voirs(creven) goidshuys met ene(n) gedinge gestaen/ mochte Dair toe de voirs(creven) mychiel en(de) jasp(er) beg(er)den dach van/ dien dage ov(er) xiiii nacht den voirs(creven) iiii p(er)sone(n) de co(n)t(ra)rie mey/ nende hope(n)de dat sij ten naeste(n) genechte dach hebbe(n) soude(n)/ also dat de scepen(en) van loven(e) wed(er) gemaent vande(n) meye(r)/ / wijsden voir een vonnisse dat sij bleve(n) bijde(n) vo(n)nisse dat sij dair af/ voe(r) gewijst hadden Ten naesten genechte quame(n) weder inde/ banck de voirs(creven) iiii persone seggende dat sij bereet wae(re)n/ tantwerde(n) op de voirs(creven) aensprake op dat de voirs(creven) mychiel en(de)/ jasp(er) hen alsoe mechtich en(de) sterck maecte(n) dat tvoirs(creven) goidsh(uys)/ met ene(n) gedinge gestaen mochte gelijc tvoirscr(even) vo(n)nisse ghe/ wijst hadde dair de voirs(creven) mychiel en(de) jasp(er) niet tege(n) en/ seyden [noch en quame(n)] Also dat de scepen(en) van loven(e) ten uuterste(n) gemaent/ vande(n) meye(r) wijsde(n) voir een vo(n)nisse [soe wair de voirs(creven) mychiel en(de) jasper niet en quame(n) ten opstaen smeyers en(de) der scepen(en) dat] dat tvoirs(creven) goidshuys vande(n)/ voirs(creven) rente(n) blive(n) soude in sijnre goedingen en(de) scepen(en) brieven/ also verre alst noch voir scepen(en) van loven(e) come(n) was pynnoc/ wittema(n) hug(ar)den velde naen maii xxii